Çae Berbena

Çae Berbena (Çıra Bermenay) belkia lawıkay (deyray) Zazakiya tewr meşura ke ê hetê Dêsımia. Kami ena lawıke besta tê, nêzaniyena. Taê varyantê xo estê ke xeylê şairan vata, zey Zeynelê Qeremani, Ozan Emekçi, Memed Çapan, Ozan Rençber, Grup Yorum, Nilüfer Akbal u ê binan. Zerrekê (ihtıway) lawıke hetê butıniye ra yewbini nêgêno ya ki varyantê ke vaciyenê, cı ra zehf rınd nêasena. Yare rê hesrete, eşq hetê ra, ğurbetiye, ğeribiye heto bin ra, yenê ra zıwan.

Varyantê Zeynelê Qeremani

Zeynelê Qeremani na lawıke albumê Yaşlılar Dersim Türkülerini Söylüyori de vano, oyo ke bırayan Metin Kemal Kahramani ard pêser.

Dewe dewe dewe dewe
Dewe emser verra biya khewe

Çae berbena? Çıra zibena?
Kami do be to ro, mı rê nêvana
Namê to çıko, mı ra nêvana?

Dewe dewe dewe dewe!
Dewe emser verra, Heqo, biya khewe
Yare mı xecelnê, kerde nêmê sewe
wererê, tı xeberê mane ke,
bê mın lewe

Banê rınde banan’a doto
Kıbare (rınde) ma rê nanê rae poto
Kuto herey nêamo, mı qeda gıroto

Banê rınde banan’a berzo
Pırênê rınde tegel-kunderzo
Adıro ke zerrê mı dero,
Duzgınê Kemeri tenê zerrê to erzo

Dewe dewe dewe dewe
Dewe emser verra biya khewe
Xeberê, de, mane ke, bê mın lewe.

Qese u qeyde: khan
Çıme: Zeynelê Qeremani (Zeynelo Dawulci)
het: Xozat, Dêrıke

Varyantê 2.

No varyant Mesut Keskini taê çıman ra dao arê.

Dewe dewe dewe dewe
Dewe emser biya khewe

Çae berbena? Çae jibena?
Derdê (namê) to çıko? Mı ra nêvana?
Ezu sonu qurbetiye
Cigera mı to rê biya letiye

Bonê yare dewe ra doto
Yare ma rê nuno runın poto

Zalıma yare emso nêamê
Nêkut çımanê ma hewnê sewe