İmparatorina Osmanıcan
Wikipediya ra, ensiklopediya xoserı
İmparatorina Osmanıcan (Osmanıcki: Devlet-i Âliye-yi Osmâniyye) seserranê 13i u 19i de yew imparatoriya gırde bıya. Osman Beg serra 1299i dı begina Osmanıcan suka Söğüti dı nê ro. Begina Osmanıcan hêdi hêdi biye pile u biye yew imparatoriya gırde. Serra 1453i de hıkumdarê İmparatorina Osmanıcan, Mehmedo II. (Memedo Dıyin) Estamol işğal kerd, İmparatoriya Bizansi kerde xırabe. O taw Osmanıci biy imparatorine.
Paytextê İmparatorina Osmanıcan suka Konstantinopeli (Estamol) bi. Feqet Estamol ra ver sukê Söğüti Bursa u Edirney paytext biy. Zıwanê xoyo resmi Osmanıcki bi. İmparatorina Osmanıcan seserra 15i u 19i dı biye merkezê Mısılmananê sunniyan. Sultananê İmparatorina Osmanıcan xeylê camiy vıraşti.
Erdê İmparatorina Osmanıcan zaf gırd bi. Hem qıta Ewropa, hem qıta Asya u hem ki qıta Afrika de hukım kerdo. Çı wext İmparatorina Osmanıcan resê suka Viyena, uca de şarê Ewropa İmparatorina Osmanıcan vındernê (egle kerdê). İmparatorina Osmanıcan Cengê Viyena I. u II . (1683) kerd vini. O wext ra nat İmparatorina Osmanıcan pede biye qıce. Seserra 20i de İmparatorina Osmanıcan Cengê Dınyaê Yewine ki kerd vini u serra 1923i de Atatürki dest İmparatorina Osmanıcan biye xırabe u Cumurêtê Tırkiya niya ro.
[bıvurne] Çımey
|
|
