Şazadeo Qıckek

Wikipediya ra, ensiklopediya xoserı

Şazadeo Qıckek (Nameo oricinal: Le Petit Prince) şanıkê da nuskarê Fransızi Antoine de Saint-Exupérya ke be resmanê xo ameya nuştene. No eserê nuskario tewr meşhuro, raver 1941 New York de veciyao, cao ke Saint-Exupéry menfi (surgın) de biyo. Harenbergi çım de "Şazadeo Qıckek" de nuskari hetê edebiyati ra fıkrê xoyo exlaqi u vênayışê xoyê dınya ardo kağıte ser. Eser şanıkê da mordena, aya ke hem xıtabê pilan, hem ki ê qıcan kena; dostin u insanetiye sero qesa peyêne ana ra zıwan. Tede imaê politiki de vêrenê ra. Meselan, astronomê rocakewtena nezdiye (oryental) oyo ke keşfê xo hewna qif ra gêriyeno, eke kıncanê rocawani (ğerbi) dano xo ra.

Edebiyatê dınya de caê Şazadey Qıckeki berzo, mekteban de be teleban diyeno wendene. Wayirê heqa telifi Fransa de Gallimardo.

Heta nıka Şazadeo Qıckek 180 ra zêde zıwan u şive ser çarniyao a (ta dao). Hezirana 2009ine de ki Almanya de açarnayışê Zazaki veciya, Asmênê Bêwayiri çarna a.

[bıvurne] Kıtab

• Antoine de Saint Exupéry: Şazadeo Qıckek. Edition Tintenfaß, 2009, ISBN 978-3-937467-62-7

[bıvurne] Linkê webi

• Pela Fransawa resmiye (Fransızki)
• Şazadeo Qıckek ser kıtabê ke heta nıka veciyaê