Şewa Qedri

Heqa qısımê rêza Mısılmaniye de

Baweriye

Homa · Yewina Homay Mıhemmed · Peyğamberê bini

Tetbiq

Şehadet · Dua Roceguretene · Yardım · Hec

Nuştey u qanun

Qurane · Sunnet · Hedis Fıqh · Şeriet · Kelam

Tarix

Kronolociya İslami Ehlê Beyti · Seheba Sunni · Şıi Xelifeyê gırdi · 12 İmami

Zagon u cemaet

Akademiy · Heywani · Senat Teqwim · Domani Demografiye · Roşani Camiy · Felsefe Zanışiye · Cêniy Siyaset · Dawet

İslam u dinê bini

Xıristıyanine · Cıhudine Hinduizm · Sixizm · Cainizm

Bıvênên

Hecıw · Ters Qısebendekê terımanê İslami

Portalê İslami

Şewa Qedri (Erebki: ليلة القدر [leyletu 'l-qedr]), dinê İslami ra gore şewa ke Qurane terefê Heqi ra, mılaket Cıbrail be weyh, peyğamberê İslami Mıhemmedi rê dest pêkerdo, rusiya.

Kes Şewa Qedri qeti kamci şewa nêzaneno, labelê na şewe roca Remezania vist u hewtıne ama qebul kerdene. Peyğamberi qeti kamci şewa diyar nêkerda, hema vato ke "Şewa Qedri des rocanê Remezaniê peyênan miyan de (şıma) cıfeteliyê".

Weyho verên

Dinê İslami de heni inam beno ke, ayeta Qurana verêne terefê Heqi ra be mılaket Cıbraili, Hz. Mıhemmed ke çewres serri biyo, Eskeftê Hira de cı rê rusiya. Ancia heni baweriyeno ke, ayetê ke verende na şewe de amê war sura Elaqi raê.

İslamiyet de qedrê Şewa Qedri

Şewa Qedri alemê İslami miyan de şewê da zaf xeyrın u mıbareka. Seba ke "na şewe heştay serran ya ki hezar aşmian ra dayina xeyrına" cı rê vaciyeno. Qurane de no hal nia (wına) aniyeno ra zıwan:

"Raşti ke ma Qurane Şewa Qedri de arda war. Şewa Qedri çıka, tı zanena? Şewa Qedri hezar aşmian ra dayina xeyrına. Na şewe de mılaketi u Cıbrail desturê Heqi ra seba her tewır kar yenê war. A şewe hetan fecir weş u wariya."

Şewa Qedri de gani çı bêro kerdene

"Kam ke be baweriya fezileti ra na şewe ibadet u duey-kerdene ra raviarno, gunê dey ef benê, Heqi ra sewab gêno /cêno." (Buhari, Qedr 1)

Şewa Qedri de gani merdum nımac bıkero, Qurane bıwano, tobe u duey bıkero.

Hz. Mıhemmedi (s.e.) ra pers kerdo: "Ey Resulê Heqi na şewe ke amê çıturi /senin duey bıkerime"?

Resulê Heqi vato ke wına /nia duey bıkerê: "ellahumme inneke efuwwun tuhıbbu'l-efve fe'fu enni" (yanê "Heqo tı zaf efkerdoğa, tı ef ra hez kena, mı ef ke").

Bıvênên

• Remezan