Abdullah Ocalan
|
|||
| Biyayış | 4 Nisane 1949, Rıha | ||
| Merdış | - | ||
| Wezifa | Siyasetkar | ||
| Kurdıstanê Tırkiya | |||
|---|---|---|---|
Abdullah Ocalan (Apo) serdarê PKKo. Tainan çım de zi yew serekê Kurdan hesebiyeno. 4ê Nisanê 1949i de Halfeti (Rıha) de ameo dınya. Dıme ra Anqara de mektebê siyaseti wendo. Eke mekteb wendo, uca fıkrê Kurdıstani pê gıroto u çand hebi embazanê xo dır Diyarbekır de serra hezar u newse u hewta u heştıne (1978) de Partiya Karkeranê Kurdıstani (be Kırdaski Partiya Karkerên Kurdistan, PKK) dewa Fisi de (Lıcê) nawa ro.
Verê derba Eylulê 1980i veciyao teberê Tırkiya u şiyo Lubnan u uca ra zi vêrto ra Suriya. Key ke Suriya de biyo, dewleta Tırkiya waşto ey çand rey bıkışo labelê nêşao. Dıme ra serra 1998ıne de generalêkê Tırkiya serê sinorê Suriya de Suriya tehdid kerdo u vato, "eke şıma Apo miyanê çend aşman de welatê xo ra nêvecê, ma go şıma dır beno ke şer bıkerê." Ayra Suriya mecbur manena, Öcalani vecena teberê welatê xo.
Öcalan verni de şıno Yunanıstan, labelê ine o uca ra kerd teber. Vêreno ra, şıno Rusya, ê ey uca ra zi vecenê teber. Dıme ra vêreno ra, şıno İtalya, labelê İtalya zi nêşkena ey miyanê xo de pê giro. U Öcalan peyniye de şıno Kenya. Dıme ra MİT bı destekê istıxbaratê Amerika serra 1999ine, 15ê Sıbati de Öcalan Kenya ra yeno remnayene u ey anê Tırkiya.
Öcalan hukmê cezay merdene gêno, labelê, oyo ke cezay merdene Tırkiya de darenê we, cezay ey çarnenê mıebbed. O wext ra nat adey İmralı de mehpuso. Heta serra 2009ine uca tek mehpus bi, labelê a serre ra tepeya 5 mehpusê bini zi ardi ey het.
