Afrikay Veroci

Wikipediya ra ensiklopediya xosere
Jump to: şiyayış, Cı geyre
Afrikaya Veroci
Suid-Afrika
Desmal û Arma
Flag of South Africa.svg 85px
Xerita
LocationSouthAfrica.png
Şınasiye
Zıwan İngılızki, Afrikanki
Paytext Cape Town
Sûka tewr gırde Johannesburg
Cıwiyayış
Şar Afrika Verociyıc
Hıkumet Demokrasiya Parlamentere
Din Xıristiyaniye, Mısılmaniye
Erd 1,221,037
Nıfuso texminki 47,432,000
Ekonomiye
Pere Rand
Kodê perey ZAR
Mıntıqa
Wext +2
İnternet .za
Kodê têlefoni 27

Afrikaya Veroci mıntıqa ra verocê (cenubê) qıta Afrika dera. Zımeyê (Şımalê) Afrikaya Veroci de Namibya, Botswana u Zimbabwe; veroc (cenub) de Okyanuso Hind; (rocvetış, şerq) de Swaziland u Mozambik; rocawan (ğerb) de Okyanuso Atlantik estê. Dewleta Lesothoy sinorê Afrikaya Veroci miyan de ronayiya. Paytextê Afrikaya Veroci Johannesburgo. Afrikaya Veroci ezaa Mıletê Yewbiyayey u Yewiya Afrikawa. Sistemê idareyê siyasetê xo demokrasiya.

Tarix[bıvurne | çımey bıvurne]

Verênde ra eşirê Zenciyan Afrikaya Veroci de cıwiyêne. Serra 1652ıne de Jan van Riebeecki (yew Hollandıc) Afrikaya Veroci keşf kerda u Afrikaya Veroci biya koloniya/mıstemera Hollanda. Peyniye de zaf şarê Hollanda şiyo Afrikaya Veroci. Labelê serra 1797ıne de Britanyaya Gırde Afrikaya Veroci işğal kerda u Afrikaya Veroci biya koloniya/mıstemera Britanyaya Gırde. Serra 1866ıne de merdumê Afrikaya Veroci zern u kristali diy u Afrikaya Veroci biya yew merkezê mıhaciran. Serra 1861ıne de Afrikaya Veroci xo reynao ra, xoser ilan kerdo.

İklım u sûki[bıvurne | çımey bıvurne]

Seba ke erdê Afrikaya Veroci zaf hera u gırdo, iklım u hewayê xo zaf vuriyeno. Verocê (cenubê) Afrikaya Veroci honıko; labelê zımeyê xo zaf germıno. Tede çoli ki zaf estê.

Sûkê (Bacarê) gırdi:

Sûka Johannesburgi zaf raver şiya. Tede bina u banê xeylê berzi estê. Johannesburg bacarê dewizi u merkezê iqtısadê Afrikaya Verocio. Cape Town merkezê siyasetio.

Xerita Afrikaya Veroci

Nıfus[bıvurne | çımey bıvurne]

Nıfusê Afrikaya Veroci 47 milyono. Zaf mıxtelıf mılleti tede cıwiyenê; şarê Ewropa, Afrika, Asya tede zafê. Mabênê Sıpê u Zenciyan, riyê siyaseti ra seba cêrakerdışê verêni ra serdıno. Derd u qehrê weşiya Zenciyan gıranêro. Labelê heyatê Zenciyan her roc beno hewl.

Dinê Afrikaya Veroci Xrıstiyanina. Afrikaya Veroci de zaf zıwani qesey benê: İngılızki, Afrikanki, Ndebele, Sothoyê Zımey, Sothoyê Veroci, Swati, Tsonga, Tswana, Venda, Xhosa u Zulu. Nuskar u wendoğê xo senıkê. Seba /Semedê nêweşiya HIV/AIDS ra zaf merdumê Afrikaya Veroci merdi.

İqtısad[bıvurne | çımey bıvurne]

İqtısadê Afrikaya Veroci ne zaf qewetıno, ne ki zaf hewlo. Mıntıqeyê Zenciyan zaf peyser mendê. Zaf merdumê Zenciyan sindorê feqirine de cıwiyenê; standardê heyati nızmo. Labelê heyatê Sıpêyan zaf hewlo. Endustriya iqtisad u enerciye zaf raver şiya.

Çımey[bıvurne | çımey bıvurne]