Ahmet Kaya
Ahmet Kaya (Meletiye, 28 .10.1957 - Paris, 16 11 2000) Serranê 1980 be 1990i de zehf albumi vıraştê u vetê piyasa. Qese de kılamê xu zafêri protesto bi. Na rü ra, ê serran de zaf biyo namdar.
Serra 1957ine de Meletiye de ame riyê dınya. Piyê xu Kurd biyo. Piyê xu fabrika mensucati de xebetiyao.
Ahmeti mektebo verên Meletiye de wendo. Hona ke 6 serri de biyo, piyê xu cı rê themburê gureto, thembur kerdo xelata lacê xo.
O ki hetê ra şiyo mekteb, hetê ra ki dukanê plaku de guriyo. Hetê ekonomiye ra weziyetê ailê xu zaf xırabın biyo, na ri ra keyê xu bar kerdo, ameo İstambul. O ki karunê perakendu de guriyo. Zu are riyê afiş-dardekerdene ra mapus de koto ra. Mapus ra dıme meşkê xu esto thamburi ser. Ebe albazanê xu thambur cınıto. Zu are Ruhi Su nas kerdo, jübini nas kerdo. Şiyo eskeriya xo kerda, key ke peyser amo, o taw Emine Kayaye de zeweciyo.
[bıvurne] Karê xuyo profesyonelo verên
Rüyê kar-nêdiyene ra bêpereyine ra zaf onceno, beno pêrsan u zaf zeberino. O are cênıka xu ki bena cia, ey ca verdana.
Xeylê zehmet ra dıme zu album veceno. Namê albumê xu Ağlama bebeğim (Meberbe pıtê mı) beno. İ ra dıme Acılara tutunmak (Dezu ra zeleqiyaene) veceno. Wayirê stüdyoy bırayê Selda Bağcane beno. Zu are bırayê Selda Bağcane ki mapus de koto ra. Uca de Gülten Hayaloğluye nas kerda. Gültene be Ahmeti jübini nas kenê. Album ra dıme zewecinê.
Wexto ke Gülten Hayaloğluye mapus de biya, Nevzat Çelik ki mapus de biyo. Nevzat Çeliki zu şıira rındeke nuşta. Gültene a şıire cêna, bena dana Ahmeti. Ahmet ki a şıire ra kılama Şafak türküsü (Kılama şodıri/deyra şefaqi) vırazeno. Key ke nu qeyd vecino piyasa, zaf veng vecino. Ahmet ni ra dıme zaf beno namdar.
[bıvurne] Albumê cı
- Ağlama Bebeğim (Meberme, phıtê mı, 1985)
- Acılara Tutunmak (Decan ra zeleqiyaene, 1985)
- An Gelir (Saete yena, 1986)
- Şafak Türküsü (Kılama şodıri, 1986)
- Yorgun Demokrat (Demokrato qefeliyae, 1987)
- Başkaldırıyorum (Sere danan we, 1988)
- Resitaller-1 (Rêsitali-1, 1989)
- İyimser Bir Gül (Jû gula rındvênoğe, 1989)
- Resitaller-2 (Rêsitali-2, 1990)
- Sevgi Duvarı (Dêsê Hezkerdene, 1990)
- Başım Belada (Serê mı bela dero, 1991)
- Dokunma Yanarsın (Dest pıra menei veşenê/veenay, 1992)
- Tedirgin (bêzar) (1993)
- Şarkılarım Dağlara (Lawıkê mı koan rê, 1994)
- Beni Bul (Mı bıvêne, 1995)
- Yıldızlar ve Yakamoz (Estarey u Yakamoz, 1996)
- Dosta Düşmana Karşı (Verbe dost u dışmeni, 1998)
- Hoşçakalın Gözüm (Xatır be sıma, delalê mı, 2001)
- Dinle Sevgili Ülkem (Goş de welatê mıno delal, 2002 Xovirardış)
- Biraz da Sen Ağla (Tenê ki tı bıberme, 2003)
- Kalsın Benim Davam (Deway mı vındero, 2005)
- Gözlerim Bin Yaşında (Çımê mı hezar serriyê, 2006)
