Arcantin

Arcantin Arcantin Desmal u Arma [[Image:{{{Desmale}}}|120px]] [[Image:{{{Arma}}}|120px]] Xerita [[File:{{{Xerita}}}|280px]] Şınasiye Cıwiyayış Ekonomiye Mıntıqa

Arcantin yew dewleta. Cayê xo mıntıqa ra verocê (cenubê) qıta Amerika dero. Zımey (Şımalê) Arcantini de Paraguay u Bolivya, veroc u rocawan de Şili, zımey rocvetışi de Uruguay u Brezilya u rocvetış de Okyanuso Atlantik estê. Paytextê xo Buenos Aireso. Arcantin ezayê Mılletanê Yewbiyayiyaniyo. Mana namey Arcantini erdo simino. Sistemê idarey xo demokrasiya.

Tarix

Tarixê Arcantini zaf kıhan niyo. Wexto verin de, işğalê mıletê Ewropa ra ver, eşirê Postesuran (İndiyan) tede ronişte biyê. Wextê seserra pancyesın de İspanyoli, İngılızi u Fransızi amê Arcantin. Benatey seserranê pancyesın u heştyesın de Arcantin koloniya/mıstemera İspanya u Britanya biyo. Serra 1816 de, Arcantin xo reyno ra, xoser ilan kerdo. Serra 1982 de Acantin u Britanya semedê adeyanê Falkland u Malvinasi ra kewti wertê cengi, labelê Arcantini Cengê Falklandi kerd vindi. Ewro Arcantin demokratiko, hema Arcantini zaf darbê eskeriye diyê.

İklim u Suki

İklimê dewleta Arcantini honıko. Feqet cenubê Arcantini wextê zımıstani de zaf serdıno.

Bacara Buenos Airesi zaf raver şiya. Tede banê xeylê berzi estê. Buenos Aires bacarê dewiziyo, paytextê borsayo, merkezê iqtısadê Arcantiniyo.

Xerita Arcantini

Nıfus

Nıfusê Arcantini 38 milyono. Zaf mıxtelıf mılleti tede cıwayenê. Şarê Ewropa (Portekizi, İsponyoli, İtalyani u Fransızi) tede zafê. Dinê Arcantini İsewitina/Xrıstiyanina u mezhebê mılletê Arcantini zi Katolikiya. Tayê Musewiy u Mısılmani zi estê. Zıwano xoyo resmi İspanyolkiyo. Tayê zi İtalyanki qısey kenê. Nuskar u wendoğê xo zaf niyê.

İqtısad

İqtısadê Arcantini zaf qewetın niyo. Zaf mıntıqey peyser mendê, labelê tayê mıntıqey ki raver şiyê. Hetê endustri, maden u ziraeti zaf hewlo. İqtısadê Arcantini zaf krizi diyê. Enflasyon u deflasyon iqtısadê Arcantini ri zaf zerar da.

Spor

Futbolê Arcantini zaf qewetıno. Taxımê Arcantinê mılli dı (2) kupey dınya guretê.

Çımey

• Coğrafya Arcantini
• Xerita Arcantini

Sukê Arcantini

Buenos Aires Federal ♦Buenos Aires ♦ Catamarca ♦ Chaco ♦ Chubut ♦ Cordoba ♦ Corrientes ♦ Entre Rios ♦ Formosa ♦Jujuy ♦La Pampa ♦ La Rioja ♦ Mendoza ♦ Misiones ♦ Neuquen ♦ Rio Negro ♦ Salta ♦San Juan ♦ San Luis ♦ Santa Cruz ♦ Santa Fe ♦ Santiago del Estero ♦ Tierra del Fuego ♦ Antartica e Islas del Atlantico Sur ♦ Tucuman

Dewletê Amerika Arcantin • Bahama • Barbados • Beliz • Brezilya • Bolivya • Cameika • Cumhuriyetê Dominiki • DAY • Dominika • El Salvador • Ekvador • Haiti • Honduras • Grenada • Guatemala • Guyana • Kanada • Kolombiya • Kosta Rika • Kuba • Meksika • Nikaragua • Panama • Paraguay • Peru • Puorto Riko • Suriname Şili • Trinidad u Tobago • Uruguay • Venezuela