Awıstralya

Wikipediya ra, ensiklopediya xoserı

Awıstralya yew dewleta qıta Okyanusyawa. Dormê Awıstralya dı/de dewletê İndonezya, Timorê Rocvetışi, Papua Guinea Newiye, Zelanda Newiye, Okyanuso Gırd u Okyanuso Hind estê. Paytextê Australya Canberrao. Awıstralya ezaa Mılliyetê Yewbiyaey u OECDiya. Awıstralya şeş (6) eyaletan ra yena pêra (mıteşekkıla): Walesê Verocio Newe, Queensland, Awıstralya Veroci, Tazmaniya, Viktoriya u Awıstralya Rocawani. Sistemê idarey xo demokrasiyo.

Tedeestey 1 Tarix 2 İklim u Bacari 3 Nıfus 4 İqtisad 5 Çımey

[bıvurne] Tarix

Medeniyetê Awıstralya zaf kıhan niyo. Wextê verên dı/de Aboricinan tedê weşiya xo ramıta. Serra 1606ine dı/de merdumê Hollandayıc u Willem Jansz amey Awıstralya; labelê Hollanda peyniye ra Hollanda, Awıstralya işğal nêkerde. Serra 1770ine dı/de merdumê Britanyayıc u James Cook amey Awıstralya u Britanya Gırde Awıstralya hêdi hêdi işğal kerda u Awıstralya biya koloniya/mıstemera Britanya Gırde. Britanya Gırde zaf terteley kerdi u zaf merdumê Aboricinan kışti. Ewro Awıstralya gırêdaiya qralina Britanya Gırda.

[bıvurne] İklim u Bacari

Seba ke/ Semedê erdê Awıstralya hera u gırdo, iklimê Awıstralya zaf vuriyeno. Zımey Awıstralya honıko u bırrê tropik estê; feqet verocê (cenubê) Awıstralya de hewa zaf germıno, çoli ki zaf estê.

Bacarê Gırdi:

• 1. Sidney, Nıfus: 4,198,543
• 2. Melbourne, Nıfus: 3,634,233
• 3. Brisbane, Nıfus: 1,810,943
• 4. Perth, Nıfus: 1,477,815
• 5. Adelaide, Nıfus: 1,129,269

Bacarê Sidney zaf raver şiya. Sidney de bina u banê xeylê berzi estê u bacarê dewizio, paytextê borsao, merkezê iqtısadê Awıstralyao.

[bıvurne] Nıfus

Nıfusê Awıstralya 20 milyono. Zaf mıxtelıf mılleti tede cıwiyenê. Şarê Ewropa (Yunan u İtalyani), şarê Asya (Vietnamıc u Çinıci) tey zafê. İşğalê Britanya Gırde ra raver Aboriginan tede mendêne. Awıstralya dı/de xeylê dini yenê diyaene. Dinê Awıstralya Xrıstiyanineo, (mezhebê mılletê Awıstralya Protestano u Katoliko. Taê Musewiy u Mısılmani zi estê. %16 merdumê Awıstralya ateistê. Zıwano xoyo resmi İngilizkiyo, hama taê şarê Awıstralya Vietnamki, İtalyanki u Yunanki qısey kenê.

[bıvurne] İqtisad

İqtısadê Australya zaf qewetıno. Standardê heyati zaf hewlo. Endustriya komunikasyoni zaf raver şiya.

[bıvurne] Çımey

• Sitey Awıstralyao resmi

	Dewletê Okyanusya
Awıstralya • Dewletê Mikronezyaê Yewbiyaey • Fici • Kiribati • Marşali • Nauru • Palau • Papua Ginea Newiye • Samoa • Sılêmani • Tokelau • Tonga • Tuvalu • Vanuatu • Zelanda Newiye