Britanya Gırdı

Wikipediya ra, ensiklopediya xoserı

Britanya mıntıqa ra zımey-rocawanê (ğerbê) qıta Ewropa dera. Dormey Britanya Gırde de İrlanda, Okyanuso Atlas u Deryaê Zımey estê. Paytextê Britanya Gırde Londrawa. Britanya çar (4) dıwelan ra yena pêra (mıteşekkıla): İngıltere, İskoçya, Gali u İrlanda Zımey. Seba ke cı rê Qralina Yewbiyaiye (be İngılızki United Kingdom) ki vaciyeno. Britanya Gırde ezaê NATOy, ê Yewina Ewropa u Mılliyetanê Yewbiyaiyan (UN)ia. Sistemê idarey monarşiya qanuniya; labelê Britanya Gırde be demokrasiye yena idare kerdene.

Tedeestey 1 Tarix 2 İklim u Suki 3 Nıfus 4 İqtisad 5 Çımey

[bıvurne] Tarix

Medeniyetê Britanya zaf dewletiyo. Wextê kolonyalizm de qralanê Britanya % 33 dınya sero hukım kerdo: zey Kanada, Amerika, Hindıstan, Pakıstan, Erebıstan, Awıstralya, Zelanda Newiye, Afrika Cenubi uêb.. Labelê wextê Cengê Dınyaê I. u IIine de Britanya qeweta xo kerde vini.

[bıvurne] İklim u Suki

İklimê Britanya honıko; silıye zaf varena. Seba awıke germıne (Gulf Stream) hewaê Britanya zaf serdın niyo. Erdê Britanya her daim kheweo.

Sukê (Bacarê) Gırdi:

• 1. Londra, Nıfus: 7.160.094
• 2. Birmingham, Nıfus: 2.100.000
• 3. Leeds, Nıfus: 2.040.000
• 4. Manchester, Nıfus: 1.255.955
• 5. Liverpool, Nıfus: 841.145

Suka Londra zaf raver şiya. Banê xeylê berzi u bınaê ke hetê mımarine ra mıkemmel vıraziyaê, tede estê. Londra paytextê borsao, merkezê iqtısad u siyasetê Britanyao.

[bıvurne] Nıfus

Nıfusê Britanya 58 milyono. Britanya hetê nıfusi ra Ewropa de (Almanya u Fransa ra dıme) rêza hirêyine dera. Şarê Britanya zafêr sukan de cıwiyenê, dewıcê xo senıkê; nuskar u wendoğê xo zafê. Dinê Britanya Xrıstiyanina, labelê ateisti zafê. Taê Mısılmani, Musewiy, Hinduy u Sikhi ki estê. Zıwano resmi çıniyo, hama şarê Britanya İngılızki qısey keno. Taê ki İrlandki u Galki qısey kenê.

[bıvurne] İqtisad

İqtısadê Britanya zaf qewetıno. Dınya de rêza phancine (5.) dero. Teknolociye u sektorê iqtisadê Britanya zaf raver şiyê. Turizmê xo zaf muhımo; her serre 27 milyon turisti şonê Britanya. Futbolê İngılızan zaf raver şiyo. Manchester United, Liverpool, Arsenal, Chelsea taxımê İngıltereyê.

[bıvurne] Çımey

• Sitey Britanyao resmi

Dewletê Ewropa

Almanya Federale • Arnawutiye • Andorra • Awıstırya • Azerbaycan • Belarus • Belçıka • Bosna-Hersek • Britanya Gırde • Bulğarıstan • Çekıstan • Danimarka • Estonya • Finlanda • Fransa • Hollanda • Gurcıstan • İrlanda • İslanda • İspanya • İswec • İswiçre • İtalya • Kosova • Letonya • Litwanya • Liechtenstein • Luksemburg • Macarıstan • Makedonya (CMYK) • Malta • Moldawya • Monako • Montenegro • Norwec • Qazaxıstan • Polonya • Portekiz • Romanya • Rusya (Urusya) • San Marino • Sırbıstan • Slowakya • Slowenya • Tırkiya • Ukrayna  • Xırvatıstan  • Vatikan  • Yunanıstan