Cınayetê Özgecan Aslane

Wikipediya, ensiklopediya xosere ra
Cınayetê Özgecan Aslane
Melumato şexsi
Dewlete Tırkiya
Cınsiyet Cêniye
Cayê biyayışi Mersin
Biyayış
Merdış (Mersin Interfaith Cemetery de merdo)
Cayê merdışi Tarsus
Gure University student
Zıwani Tırki

Özgecan Aslana ke sûka Mersini – Tarsus de weşiya xo ramıtêne, Universıtê Çaği, qısımê psikolociye de telebiya sınıfê 1ıne biye. Eke roca çarşeme (11.02.2015) keye xo nêreşto cı, şiyo, pers vişto polêsi ra. A şewe polês gêro Özgecane, labelê rocê raver sande, şoferê minibusi Suphi A. (26), oyo ke mabênê Edene u Mersini de raywanan ano, beno, nuqtê cenderman de vındeto, cı ra raye pers kerda. Eke minibusi raya hetê geme gırewta, cenderman egle kerdo, tey kerdo saye. Minibus de piyê Suphi Necmettin A. (50) u Fatih G. (20) ki tey biyê. Eke rêça goni diya, inan cenderman ra vato, raywanan miyanê xo de da pêro, uca ra menda. Naye sero i 3 sıkkerdey serbest verdê ra. Özgecan Aslana Dêsımıce hetê ulkiçiyan ra kişiye u amê vêşnayene. Telebiya (şagırda) universıti Özgecan Aslana Dêsımıca vist serriya ke hirê rociyo vindibiyaiye biye, aileyê xo ro cı gêrêne; meytê aye yew dere de vêniya ke ameyo vêşnayene. Dı qetilê ulkiçiyê (mefkurekari) ke pê gêriyay, cı ra tepiya, qetilê hirêyino ke firari bi, o zi ena şewe ame pê gırewtene.

Eke malumatê vindibiyayışê Özgecan Aslane reşto cenderman, inan reyna minibus kerd saye, tede sapqa keyneke diye. Piyê Özgecane Memedi sapqa keyna xo nas kerde. Eke wına (heni) vato, Necmettin A. u Fatih G.o ke anti sorği–sual ver, inan na ro xo ke keyneka qıce kardi kerda, meytê aye zi benzin verdo ra ser, vêşno, tepiya zi dewa Çamalani de, nezdiyê mezelxanê Almanan de, eşto hurendia Derê Cini. Cayo ke inan musno ra cı, meytê do vêşaye vêniya. İfadaya ke sıkkerdayan dê, cı ra gore Özgecane nışta ra minibusê Suphi A. embaza aya ke Tarsus de nışena ro, uca ameya war, Özgecane tek raywane (yolçiye) menda. Şofer Suphi A. ke raya siyaye D-400 de raya xo vurna, Özgecane ke sık berdo cı, şoferi de no werê. Eke minibus cayo isız de vındarno, xo cerrebno pıro, Özgecane qazê biberi veto, ver kerdo ra cı ke ero xo bıpiyo. Sureyo ke Özgecane eşto ra xo ver, riyê Suphi A. pencurrık kerdo; Suphi A. zi kardi veta, têdıma kerda keyneke de. Dıma ey çüyo asınên gırewto, do keyneke ro, pê kışta. Tepiya meyt ra piya cêro ra Tarsus ser, piyê xo Necmettin u Fatih G. ra pıhışti waşta. Ê ke amê, piya meyt berdo, vêşno, eşto Derê Cini.

Anadoliye de zi, Ewropa de zi eno kıştışo bêbexti sero mıleto be goni u qeyret zaf qariya, peyser perra, mitingi vıraşti, meyda sosyale de ena xebere her ca ra biye vıla.