Cemal Süreya
Wikipediya ra, ensiklopediya xoserı
Cemal Sureya, şaîr u nuştox; serra henzar newsey û hîris yew (1931) d' Erzîngon d' omêyo dunya. Cemal Sureya aslê xu Zazawu. 1938 d' Terteley Dersimi ra dime familyayê yî sûrgûn biyê û şo Bilecik. Sureya mektebo verin Estanbol d' u mektebo werteyin Bilecik d' wend. Qijkêkîyê xu d' mergê dadîyê (may) xu dî, xuartîyê xu d' zî mergê babîy xu dîy. Domarîyê yî zaf heqaret pêkerdi. No heqaret cuwapey şîîrê yî d' xu muejnenu ra.
Fakultaya Zonayîşê Sîyasal (Siyasal Bilgiler) qêdîna (1954), Wezaretê Malîye d' hem bi paştmîrê mufettîş hem z' mufettîştî kerd. 1965 d' îstîfa kerd, la honcîyo serra 1972 d' îstîfayê xu tepêya ont, 'aynî gurê xu Anqara d' dewom kerd. Yew mudi Îstanbul d' midurtîya Darpxonîy kerd (1975-1976), bi emekdar. Şîîr yî verên (Anqara, 8 Konunêpeyên) Pêserokê Mulkîye d' vecîya. Cemal Sureya pê îcad û qaydeyê vatîş ekola "İkinci Yeni" ser ra tarîy da wera; 'adetê verênon ra newetî ard meydon; zaf şîîr xas û zerîf nuştî. Hem pê nomêy xu hem zî pê nomêy Osman Mazlum derheq şîîr d' nuşteyê krîtîkî nuştî, dunyayê edebîyat d' pê inî nuşteyon Cemal Sureya ra zaf bahs bêni. Pêseroka Papîrus aşmîn hîrî gerîng veti. 9 Konunêpeyên 1990 d' merdi.
[bıvurne] Kîtabê Şîîr yî
- Kîtabê yî verên "Uvercînka" (Üvercinka) 1958de,
- ayê diyîn "Kueçêrî" (Göçebe)1965de,
- ayê hîrin zî "Lew Miwani Cuwapêy Mi Bîyar" (Beni Öp Sonra Doğur Beni)1979de vejîya.
- Cuwapey kîtabê "Zîldayîşê Payîz" (Güz Bitiği) 19888de
- û "Nal Germin" (Sıcak Nal) vejîyêy.
- Şîîr xu pîyeru pê nomêy "Qisêy Sewda" (Sevda Sözleri) newira çap kêrdî.
