Claudia Roth
Wikipediya ra, ensiklopediya xoserı
Claudia Benedikta Roth 15ê Gulana serra 1955ine Ulm de amê riyê dınya. A yew siyasetkara Almana u nıka Almanya Federale de sereka partiya Bündnis 90/Die Grünen (Yewiya 90/Keski)a.
[bıvurne] Terbiyet u mesleg
Claudia Rothe serra 1974ine de bacarê Krumbachi (bıwane Krumbax) eyaletê Bavyera de lisa Simpert-Kraemeri (Simpert-Kraemer-Gymnasium) qedenê.
Ae dı termini zanayışê têatroy sero wend, hema nême ra ca verda. Labelê Memningen de têatroê dewlete yê Swebya de terbiyetê dramaturciye qedena. Dıma, a Dortmund de sehneyanê bacari u têatroê Hoffmanns Comici (Hoffmanns Comic Theater) Unna de guriye.
Serra 1982ine de lewê Rio Reiseri de biye menecera bandoê muzikê Rocki Ton Steine Scherben (Kile Kemeri Pırtley), heta ke no bando semedê dêndarine ra bi vıla.
Miyanê serranê 1985 u 1989 de biye qıseykerdoğa medya fraksiyonê meclısê federali, yê Bündnis 90/Die Grünen (Yewiya 90/Keski)a.
[bıvurne] Partiye
Claudia Rothe serra 1971ye ra heta 1990ine biye ezaya demokratanê royalan (Jungdemokraten); na heta serra 1982ine yewina royalanê Partiya Demokrata Azade (FDP) ra biye.
Serra 1987ine ra nat Partiya Keskan ('Die Grünen) dera. 9ê Adara serra 2001ine de sereka partiya Bündnis 90/Die Grünen (Yewiya 90/Keski) çiniye we.
