Dubai

Dubai


Xerita	Dubai
[[File:\|260px]]
Şınasiye
Mıntıqa	Abu Dhabi
Erd	4,114 km²
Nıfus	1,070,779
Sıxletiye	293.94/km²
Berziye	1 - 5 m
Serdar	Al Maktoum

Dubai (Erebki دبي‎) yew bacarê Yewiya Emiranê Erebiyo u rocawanê (ğerb) Xelicê Farsi dero. Dubai bacarê Yewiya Emiranê Erebi tewr gırdo.

Tedeestey

1 Tarix
2 İklim u Nıfus
3 İqtısad
4 Sûkê bıray
5 Çımey

[bıvurne] Tarix

Tarixê Dubai zaf neweyo. Serra 1832 ra ver Dubai zaf qıc bi u zey dewê bi. Serra 1832i de yew emirê Erebıci Al-Maktoum bacarê Dubai gırewt u o waxt ra nat Dubai zaf bi gırd. Semedê (Qandê) limanê Dubai, bacar bi yew merkezê tıcaretê dınya. Serra 1971ine de Dubai u Abu Dhabi piya biy yewi u Yewiya Emiranê Erebi amê meydan.

[bıvurne] İklim u Nıfus

İklim u hewayê Dubai pak niyo. Her dem toz u duman esto. Feqet verê Xelicê Farsi de, hewayê Dubai zaf weş u pako. Zaf turisti Ewropa u Asya ra şınê Dubai u tetil kenê. Nıfusa Dubai 1.070.779a, zaf kosmopolita. Mıxtelıf mılleti tedı cıwiyenê zey: Malayan, Ewropayıcan, İranıcan. Dubai de nıfusa maciran zafa, şarê Dubai tayo (şenıko).

[bıvurne] İqtısad

Ewro bacarê Dubai zaf moderno. Banê xeylê berzi u bınayê ke hetê mımarine ra mıkemmel vıraziyayê, estê. Enıka Dubai de zaf asmên-resaey (skyscraper) estê u zafi hewna vıraziyenê. Dewleta Yewiya Emiranê Erebi hawa adeyanê saxteyan vırazena. Yew ade zey dara xurmao; yew ade zey xaritey dınyao. İqtısadê Dubai her roc beno pil. Endustriya ruwen u petroli zaf gırd niya (%6); labelê endustriya emlak u turizmi zaf mıhima u hawa bena gırde. Merkezê Emirates Airlines bacarê Dubai da ca-biyaeo. Nıka Dubai de yew asmên-resae vıraziyeno; namey xo Burc Dubaio. Burc Dubai beno bına dınya tewr berze.