Hindıstan

Wikipediya ra, ensiklopediya xoserı

Hindıstan yew dewleta. Cayê xo verocê Asya dero. Dewleta Hindıstani zaf gırda; dınya de hewtına (7). Zımey Hindıstani de Nepal, Tibet, Çin u Buhutan; verocê xo de Okyanuso Hint u Sri Lanka; rocvetış de Bengladeş u Burma; rocawan de Pakıstan u Deryayo Ereb ca geno. Paytextê Hindıstani Newê Delhiyo. Hindıstan 28 eyaletan ra yeno pêra (mıteşekkıla). Hindıstan ezayê Mılliyetanê Yewbiyayan u G20iyo. Sistemê idarey demokrasiya.

Tedeestey 1 Tarix 2 İklim u Bacari 3 Nıfus 4 İqtisad 5 Çımey

[bıvurne] Tarix

Tarixê Hindıstan dewlemendiyo. Tewr verini de Medeniyetê Hindus Valey Hindıstan de ronışti bi. Feqet wextê İsay ra ravêr (İ.R.) 1500 de aşiratanê Aryani amey Hindıstan. Dıme Yunanan, İranan, Ereban u Moğalan Hindıstan işğal kerd. Seserra 18 de şarê Ewrope (Portekizan, Fransızan, İngilizan) amey Hindıstan. Feqet serra 1861 de Hindıstan pêro biye koloniy/mıstemera Britanya. Şarê Hindıstani zaf isyanan kerd; feqet Britanya semedê dinanê Hinduism u İslam ra kontrolê xo ard. Serra 1947 de Mahatma Gandhi esqerê Britanya fetılna. Feqet dewletê Hindıstani biye lete, Pakıstan niyay ro. Semedê Keşmır, beneta Pakıstan u Hindıstan hewl niya.

[bıvurne] İklim u Bacari

Erdê Hindıstan zaf hira u gırdo. Ayra iklimê Hindıstan zaf vuriyeno. Zımey Hindıstani hem kıla hem honıka. Labelê verocê xo zaf germıno, zaf varan vareno. Laseran zaf zerar dan.

Bacarê Gırdi:

• 1. Mumbai, Nıfuse: 12,883,645
• 2. Delhi Newe, Nıfuse: 11,215,130
• 3. Bangalore, Nıfuse: 5,104,047
• 4. Kolkata, Nıfuse: 4,638,350
• 5. Chennai, Nıfuse: 4,352,932

Bacarê Mumbai zaf raver şiyê. Mumbai bına u banê xeylê berzi estê, bacarê dewiziyo, paytextê borsayo, merkezê iqtısadê Hindıstaniyo. Mumbai merkezê film u xeceliyayışiyo. Ballywood Mumbai ra zaf nezdiyo.

[bıvurne] Nıfus

Nıfusê Hindıstan 1,1 milyara; dınya de dıyina (2). % 70 sarê Hindıstan dewıca. Nuşkar u wendoğê xo zaf niya (%65). Nêweşiyê AIDSi Hindıstan de yew problema gırdo. 5.8 milyoni şarê Hindıstani kewtê nêweşiyê AIDSi. Hindıstan de mıxtelıf dini estê: Hinduism, İslam, Musewi, Xrıstiyani, Zerduşti u Bahai. Zıwano resmi zafo; Hindki, İngilizki u xeylê Zıwanan.

[bıvurne] İqtisad

İqtısadê Hindıstan beno gırd. Her serre iqtısadê Hindıstan % 8 beno pil. Hindıstan zaf idxalat (eksport) keno. Semedê ercaniya karkerano ra, şırketanê Dewletanê Amerikayê Yewbiyayiyan zaf fabrikan vırazenê. Endustriyê komunikasyon, komputer u tıb Hindıstan de raver şiyê.

[bıvurne] Çımey

• Siteye Dewlete Hindıstan
• CIA World Factbook - Hindıstan

Dewletê Asya

Azerbaycan • Bahreyn • Bengladeş • Bruney • Butan • Çin • Efğanıstan • Erebıstanê Seudi • Ermenıstan • Filipin • Gurcıstan • Hindıstan • Japonya • Iraq • İndonezya • İran • İsrail • Kamboçya • Korya Veroci • Korya Zımey • Kuweyt • Laos • Lubnan • Maldiv • Malêzya • Mısır • Moğolıstan • Myanmar (Birmanya /Burma) • Nepal • Ozbekıstan • Pakıstan • Qazaxıstan • Qeter • Qıbrıs • Qırğızıstan • Rusya (Urusya) • Singapur • Sri Lanka • Suriya • Tacikıstan • Tayland • Taywan • Timurê Rocvetışi • Tırkiya • Tırkmenıstan • Umman • Urdun • Vietnam • Yemen • Yewina Emiranê Erebi