Homa merdo

Homa merdo (nameo oricinal: "Gott ist tot") ya zi Homa Merdeyo, Mergê Homa jew vateyo (qıseyo) filozofê Alman Friedrich Nietzscheyo u eno vate zaf mıxlelif cay de nusiyao. Eno vate raveri serra 1882 de Şınasiya Şen de (Almanki: Die fröhlinche Wissenschaft) 108. (Çabay Newa), 125. (Gêc) u hirıne de 343. (Menay keyfê ma) de meydan veciyo. Kıtabê Nietzsche Ani vato Zerduşt de eno vate (qıse) zaf ca gêno u eno kıtabê Nietzsche ra peyni biyo deha namdar.

• Friedrich Nietzsche qandê eno vatey cı, kıtabê cı Gêc de vano ki:

Homa merdo. Homa ra peyni yew merde mendo u mao ki ey (Homa) kışto. Çiyo ke Homa ra mendo, dur ra yeno. Ma senin do yewbinan teselli bıkero?, mao ki kıştoğê kıştoğano? Çiyo ke binê kardiyanê ma de gan groto/grewto, cı rê se biyo? çiyo tewr ziyage u gırdo ke cihan wayirê cı biyo: kam do eno goyni serê ma ra bestero? Kamci ou (aw) esta ki ma bıkera pur u pak? Kamci merasimo teselli, ma zorê kamci kayo ziyage (muqades) icatkerdışi de manıme? Piliya eno daway ma rê zaf gırd u pil niyo? Qandê eno rê ameyene gani/gerek ma Homa bıbo?