Her çi ra raver, ma şıma ra reca kenime ke, nuşte u meqaleyanê xo be Zazakiyê pak u zelali bınusê.
Şıma rê zehmet, meqaleyanê xo be Zazakiyo Standard u Alfabey Warey bınusê. Labelê, êyê ke wazenê, şenê be Alfabey Bedırxani zi bınusê.
Eke şıma Zazakiyo Standard nêzanenê, şenê be Zazakiyê dewa xo bınusê. Labelê, Zazakiyê dewa xo gani 'raşt' bınusê.
Wikipediya Zazaki de vandalizm, heqaretkerdene tometa! Karberê ke çiyanê wınasiyan kenê, Wikipediya ra yenê teberkerdış.
Nae xo vira mekerê: Semedê (qandê, seba) Wikipediya de nuştene, zaf teknik u marifeto hewl lazım niyo. Eke şıma pelanê Wikipediya de bıgeyrê u taê qurdi kerê, şenê xeylê çi bımusê.
Heto bin ra, şıma key ke meqale nusenê ya zi vurnenê, kesi ra metersê! Tiya Wikiyo. Labelê, şıma nuşteyanê xo de gani ca bıdê çımeyanê objektifan.
Nuşteyanê xo de, haydarê nuxte u virgulan vınderê (diqet kerê), u nuxta ya zi virgule dıma çekuyan miyan de taê (hebê) mabeyn cı dê.
Ma be xêr di bıra Ferrus! Tiya ma ezayan pêro piya qerar gırewto ke dı alfabeyan (Alfabeyê Jacobsoni û Alfabeyê Bedırxani) têduşt ra bıgurenime. Nê ra gore kamci nuşte be senên alfabe ra ke nuşiyayo, wa gani be ê alfabe ra dewam kero, yanê alfabeyê ê nuştey mevuriyo. Kerem ke, tı ke wazenê be alfabeyê Bedırxani bınusê, tı şenay nuşteyo de newe dest pêkerê. Yew zi prensibanê wikipediyayê bıngeyınan de bıewne! -- Mirzali (mesac) 16:02, 16 Nisane 2014 (UTC)