Karo sosyal
Karo sosyal jew disiplino profesyonelo u akademiko ke semedê berzkerdışê kalite u standardê cuwiyayışi (heyat) u weşiya merduman gureyeno. Keyey, grubi, kominitey, organizasyoni, heqê merduman, ceniy, qıci, çiyo ke merduman miyan de howl nêşıno, pêro karo sosyal miyan de ca gêno. Karo sosyal ten, grub ya zi merduman rê mudaheleyo profesyonelo ke destego psikolocik wazeno. Teno/tena ke karo sosyal de gureyeno/gureyena problemê merduman rê çozum vırazeno/vırazena, inan rê destê destegi beno/bena. Teno/tena ke karo sosyal de kar keno/kena ey/ay rê karkero sosyal/karkera sosyale vaciyeno/vaciyena. Karkero sosyal/karkera sosyale tenan miyan de cırakerdış nêkeno/nêkena u pêro merduman rê desteg keno/kena.
Vêrde[bıvurne | çımeyi bıvurne]
Raveri karo sosyal Amerika de vırazio, verêni Enstituyi Karo Sosyal (Institute of Social Work) vıraziyao serra 1899 de. Dıme cı ra Hollanda de suka Amsterdami de jew enstutiyo bin vıraziyao. Heta serra 1910 cihan ser de karo sosyal sero des u çeher (14) enstituy vıraziyayi. Hêdi hêdi pêro dınya de karo sosyal sero boni, enstituy vıraziyayi. Tırkiya de verêni serra 1961 de karo sosyal sero enstitu vıraziyao, peyêni akademi zi vıraziya.