Kotıre

Kotıre
Resım
Melumat
Xısusiyet Dewi
Dewlete Tırkiya
Qeza Mamaxatune[1][2]
Çiyo bin
Kamiya Geonamesi 322440
Çıme Ensiklopediyay Sovyetiya Ermenıstani
Xerita
Map

Kotıre (Tırki: Bağpınar, Kötür) dewê da qeza Têrcania ke gırêdaiya Erzıngania. Nahiya xo Mırcan (Têrcan)o. Dewê ke dormey Kotıre derê: Sarıqaya, Mazane, Adebuk, Gomê Haşti. Verênde 250 keyey (xaney) tede biyê, nıka 60-70 keyey vatene gore estê. Şarê Kotıre Zazaê Elewiyê, labelê leteo zêde Tırki qısey kenê, taê keyey Zazaki ki zanenê.

Lawıkan de Kotıre[bıvurne | çımeyi bıvurne]

Hewa (lawıka) Sılê Feqiri de, qıta 2. de namey dewa Kotıre ki vêreno:

mêrata Kotıra, ax lemınê, hêgay
zalımo bölügbaşi ame, dest u paê mınê neçari gırê day
ez kerdune raşt, berdune Diyarê Nisangê Qerebabay
mı reê nat u dotê xo de nia da, Ewliyaê Gerçegi koê Dêsımi mı ra asay
kelêberbi bi, mezal ve mı nêda
mı veng da Budela Khurêsê zerrevêsai
mı va, koti menda? hewarê seyê xo de bırese,
nêçeler feqiri namê to ra xeleşiyay!
mı va, ni zalımi mı rê kerdê top, ardê,
des u hawt qılıncê keskunê derejiyai
va ke, Sılo, vılê to pırodaene rê qerar do ve cı
ewraqi imza kerdi, têdest de fetelnay
mı va, lao, mı hewar do wayirê xo, ax, Khurêsê xuyê Budelay
mı nia da, nişto ro ostorê qırê qıckeki
kerde ra mı ser, helkana vay
Sıli phoştia xo kerde qaime, ifadey nay ro têhurendi, day
her ke qılıncê ke da ve Sıli ro
dest kerdo vera, pêro hewa ra perray
mı nia da hakımi uştê ra xo ser
çımi kerdi pırrê hêstıru, bervay
kafır ame iman, qenatê xo asıl bi
çıftê khavırê xo ardi, pêsın sare bırrnay

Çıme: Alaverdi


Lawıka Gomê Peyê Pırdê Kotıre

têw Gome Gome Gome
Gomê peyê pırdê Kotıre
derdê nino untene
derdê fistanesıpiye, qolçağesure

ezo cêro şiyune, kewtunê bınê Vıcani
dot’a rastê mı çıftê astorê qırr u rewani
mı va, ‘melema mı, sıma kata sonê?’
va ke, ‘some çêverê Bağırê Uli Diwani’
‘ao ke şi çêverê Bağırê Uli Diwani,
cı ra dano loqmê meymani’
a yare dest berd fekê heqvi
mı va, ‘bê, lewê sureta to ra ni’

mı va, ‘ciamordê sıma kotiê?’
va ke, ‘taê gezer-güzeri naê naver de cüinu derê’
hona qeseo ma fek de,
kewte ra çımanê ma ver qafıka i leyrê Mewrani!

  • Vatoğ: Mazra Sılêmanu ra, Keyey Keşki ra lacê Uşên Ağay Heqi (Hakkı Keskin)
  • Çıme: 1. Ap Musaê Musa Ağaê Geçıqırani (Dêsım-Pılemoriye, Dewa Mazra Sılêmanu)

2. Keyey Dılê Momıni ra Uşên Çawusê Çorşi (Dêsım-Pılemoriye)

  • Qeyd u nuştoğ: Asmêno Bêwayir, Amnan 2004, Dietzenbach-Almanya
  1. https://www.nufusu.com/
  2. https://www.nufusune.com/