Maksim Gorki

Wikipediya ra ensiklopediya xosere
Jump to: şiyayış, Cı geyre
Portrey Maksim Gorki be imza xo

Namey xono tam Aleksey Maksimoviç Peşkov o.(z.28 Adare 1868 - m. 18 Hezirane 1936) Yew nuştekaro Rusiyo. Û nuştekarê marşê 1 Gulaniyo zi. Gorki hama panc sereo piyê xo vıni keno yanê piyê cê mıreno. Maye Gorki newera yewê binidır zewecêna ayra Gorki ageyreno cayê zayişê xo Novgorod. Key beno yewendes sere bê may zi maneno. Pire û kalê Gorki ê benê Astrahan û ûca kenê pil. We tenya çend aşman eşkeno şêro wendegehe. Hama heşt sereyo dest bi kar keno ayra eşkeno nızdra sınıfe karkeranê Rusi nas kero. Key gemiyêkede xebetêno meraqê wendışi zerey êde vırazêno. Sere 1887 de wazeno xo bıkşo.

Nuştekariye Gorki Sere 1892 de Tiflis'de rocnameyê Qafqasya de dest bı kar keno. Semedo ke heyatê ê miyanê dec û çinêbyayişde vêra namey Gorki na xowa (Gorki Ruskide yeno manay "dec" i).Bı nuşteye ke namey ya Çelkaş o bı namdar. Dımara roc bı roc namey ê vıla bı. Sereyin kitabê Gorki Sihitiyê Çirockan zehf hame hes kerdışi. Romanê êyo vernin Foma 1899 de hame weşênayişi. Semedo ke hemverê Çar i bı, kitabê xo namey ê Deyre Çuçıke Gıjoleke sere 1901 de hame tepışmayişi. Dımay wextêke kılmi hanci zi hame veradayişi. Gorki embazê Lenini bı. Zehf kitabê xo estê.

Mergê Gorki Gorki sere 1936 aşme Heziranede merd. Yew hebi vanê Gorki hame zehir kerdışi. Labelê çırey ene xebere nêhami ispat kerdışi.