Meho Barakoviç
| Meho Barakoviç | |
|---|---|
| Melumato şexsi | |
| Cınsiyet | Camêrd |
| Biyayış | |
| Merdış | |
| Gure | Nuştekar |
Meho Baraković, nuştoxo Boşnak o. Sera 1945 dı suka Bosna-Hersek, Banja Luka dı marda xü ra biyo. Sera 1995 ra yo kı sûka İswec, Bollnäs dı cüweno. Yani macırey dı, welatê xü ra duri dı 12 seri. Zekı bı xü zi nuşnayo u vano: ’’Zeydê bıharatiya, zeydê darêndo meywey zekı şayê serana şiriney u tam bıdayê, mı zeydê a dariya kokê mı ra qılaynay u karıti juna érd u juna mınıqa’’.
Barakoviç serana sûka Bosna-Hersek dı sûka Trebinje dı nezdiyê 50 ser gürweyayo u zekı bı xü zi ano zıwan u vano:
| Çiyo kı en xırab şeno biro serdê inasanan ame serdê şardê mı, yani lej. Faşistê Sırb u Montenegri bı ésker u faşistandê xü ya suka mıno tarixi bı érda duz kerdi. Şarê mı nêmerd u ma héla lıngan serdê. |
Zeydê Barakoviç a hézarana Boşnaqi welatê xü ra durı sırgun dı héyatê xü ramenê. Tayınê cı Amerika, Awıstralya, Kanada, tayınê cı héme welat/sukandê Ewropa u Tırkiya dı ca biyê. Boşnaqi zekı Barakoviç zi vano: ’’Ze dara meywey cı kok ra qılaynayê’’. Cayo kı Barakoviç cı müyandı starey diyo Swêd o. Verê kı Barakoviç biro Swêd, suka Montenegro Plav dı qampê esiran dı mendo.
Barakoviç verê kı biro Swêd nuştox biyo u panc kıtabê şiiri neşir veto u héta nıka 13 kıtabê ciyê şiiri vıcyayo. Swêd dı héyatê xü yê nuştoxey u xezetecılıxey ramıto u yni wext dı ju pêserok bı namedê ’’Broar’’ (Pırı) bı swêdki u boşnaqi veto u wahêrey kerdo. Ju kıtab zi bı namedê "Bollnäs-plats för min sorg" (Bollnäs, ca qandê êşandê mı) bı zıwandê Swêdkiya veto
Nimeyê mı[bıvurne | çımeyi bıvurne]
Nimeyê mı
Juna héyat cüweno
Sodırı dı juna qanun ravêreno
Tı bı êya zeriweş nêbiyê
Nezi juna adıro bin
Tı nefesê tersi antê xü zere
Verê siyayeyda lepi ra
Bê qıseyey ra
Lejı dı bı dırbetê do teze
Şerbetê sinayenı qedyayo
Hélqa nezdiyê gıroteno
Nimeyê mı
Juna héyat cüweno
Érdêdo tenya dı
Fına oyo darêdo tenya reseno
Fına ju héywan biyo dırbetın zere ra
Kıtabê cı[bıvurne | çımeyi bıvurne]
- "Azil" (macır), şiir, Sarajevo, 1972.
- "Dvoje" (dı nüxte), Trebinje, 1972.
- "Nebeska studen" (Cor ra biyo), Sarajevo, 1979.
- "Opšta mjesta" (postayê tersın), Sarajevo, 1986.
- "Zemno srodstvo" (Bı Zemno ya piya), Mostar, 1988.
- "Između Plava i zaborava" (Qısmê Plava dı vıni bı), Titograd, 1994.
- "Legitimacija raseljenog lica" (Kame ruçıki vırnayenı), Kanada, 1995.
- "Homo balkanikus" (Merdımo Balkan), Swêd, 1995.
- "Nikada nećeš razumjeti zašto sam zaljubljen u Mostar" (Şekıl qet nêzano qandê çıçi Mastar sineno), şiir, 2000.
- "Stockholm iznutra i druge pjesme", NIK "Kujundžić" (Stockholm, zereyê mı dı juna dêr o) Lukavac, Tuzla, 2005.