Ordiyê Xoverdayışê Homay

Wikipediya, ensiklopediya xosere ra
Desmala Ordiyê Xoverdayışê Homay

Ordiyê Xoverdayışê Homay (Lord's Resistance Army) oyo ke yew organizasyonê do teroristo, xaçperesto u Uganda, Sudanê Veroci u miyanê Afrika de dewleta Xırisiyaniye vıraştene wazeno. Joseph Kony oyo ke liderê Ordiyê Xoverdayışê Homayo, meydumo u xo zey peyğemberê Homay vêneno. Ordiyê Xoverdayışê Homay Afrika de heqanê merduman pêro caweno, cınayet, merdumremnayış, cêniye u keynekan koleyanê seksi kerdış u qıcan be zorbaziye ra bınê çeke gırewtış sucanê Ordiyê Xoverdayışê Homay rayê. Merdumê ke nê organizasyoni ra remayê, inan vato ke lacê ke nê organizasyoni derê, heqa merdumankıştışê inan esta, keynekê ke nê organizasyoni derê, ê pêro tecawuz vênenê. Texmin beno ke 500 ra zêde militanê xo estê.