Ozan Serdar
Wikipediya ra, ensiklopediya xoserı
Ozan Serdar yew senatkarê Zazayo. Ozan Serdar serra 1955i de dewa Dersimi Gaxmud de ame riyê dınya. Hetan ke şi universite, Dersim de biyo. Pêyê serra 1970'i de albume xoyo verên "Derdê Ma Duşuncê Ma" veto. O tarix ra dıma hetan 2007, nezdiyê 15 album kerdo.
Domanina xo zaf çile u derd anto. Qıseyê, kılamê, şanıkê 38 heşno. Mektebê Verên u Lise welat de qedeno. Dersim çıme xo de zaf qıymetıno u zaf hez keno. Zemanê xo de kes nêwendêne, ema o şartê kotiye de şi Universiteyê Erzurumi, Malımiya Zıwanê Almanki qezenc kerd. Feqet wendışe xo sebebê siyasi ra nêqedna. Coka mecbur mend, serra 1978i Tırkiya terk kerd şi Elmanya.
Vengê xo zaf weşo zafik qalite tey esto. Kılamê Zazaki tewr rınd o vat. Her kes ebe beçıkê xo o tarif kerd. Ê wextan Tırkiya de kasetê Zazaki yasaq bi, ema kasetê Serdar bınê dest ra zaf rot. Zaf mılet albumê ey rê goş day u şınasna.
Tedeestey |
[bıvurne] Tayê kılamê ey
[bıvurne] Koye Dersim Zaf Berzo
Bıra haydêrê kou ra
Ma urjime dewu ra
Beşliyo martin ra
Ceng u Cemediya
Koyê Dersimi zaf berzo
Dısmênu ser de merdo
Zerrêe mordemi ra yeno
Hebê tıfangu berzo
[bıvurne] Qebqebo
Qebqebo qebqebo zaranco qêwê
Ezo şono diyarê dewê
Meke lalawo meke
Ma sero sengel meke
Xortunê ma qırr meke
Rozê kunara ma dest taxıma çeke
Vozdanime pê kemera teke
Sare maa sıma de sanenime çımê çeke
[bıvurne] Welat Welat
Kemerê Duzgıni Qonağe wertê Khurêsano
Hewsê dewa Khuresu paga pi u khalıkano
Jêla mırodverdiye lemı wayirê Demanano
Khalferat persenê bıra wayirê Arêzano
Ewliayê Tosniye wayirê Pilvancıkano
Aliyê dost persenê lemı wayirê Xırancıkano
Sarê Dolu Bavay persenê lemı wayire Khurmancıkano
Khalo Sıpê rındo, wayirê Sadızano
Çımê Muzır bavay wayirê Şıx Hesenano
Çımê Ömer Bavay persenê wayirê Paxızano
Sey Sobıni persenê wayirê Qajiyuno
İnsala ke wayirê mı xevera xêre mırê vano
Kokımo Sey Qaji nişto ro qeydu xo ser vano
[bıvurne] Albumê Xo
- Derdê Ma Düşüncê Ma (197X)
- İsyan (1985)
- Welat (1987)
- Dersim (198X)
- Da da Alî (1990)
- Koê Muzıriyo (1996)
- Xilveşo (2001)
- Cenet Dersimo (2003)
- Wurze (2007)
- Vîlike (2009)
- ...
[bıvurne] Albumê Grubi ( Koma Berxwedan)
- Bingol Sewiti (1983)
- Dilan (1985)
- Kaniya Welat (1987)
- Pesmerge (1988)
- Sad Bibe Welate Min (1989)
- ...
