Psîkoz

Wikipediya ra ensiklopediya xosere
Jump to: şiyayış, Cı geyre

Çekuya Psîkoz Grekî ra yena û manaya ci anormalî yan zî nêweşîya ruhî ya. Reya verîne hetê Ernst von Feuchtersleben ra ameya gurenayîş. Ernst von Feuchtersleben bi no namekerdişî waşto nêweşîyê ke teberê nevroz de ca genê, kategorîze bikero.

Psîkoz xerebîyayîşê hîs û fikrîyayîşî yo. Nêweşî halusînasyonan vînenê û wayirê bawerîyanê bêbingeyan ê. No semed ra rastî û şaşî cêmîyan ra nêvecenê. Her çend şono, rastî ra dûr kewenê û dinyaya zîhnê xo rast qebul kenê.

Tesîrê ci[bıvurne | çımey bıvurne]

Kesê ke Psîkoz de yê, wayirê nê taybetîyan ê:

Xerebetîya Fikran: Fikrê kesan rewşêko têmîyankerde de yê û bênîzam ê. Xeberdayîşî de û dîqate de xerebîyayîş virazîyeno.

Vurîyayîşê Mood: Bê ke semedê ci bibo, rewşê hîsanê kesî de vurîyayîş virazîyeno. Mavaje bêsemed huyeno yan zî bermeno.

Bawerîyê Deluzyonî: Kesî, wayirê bawerî û fikranê nerasteqînan ê.

Halusînasyonî: Kesî, çîyanê nêbîyayeyan vînanê, boya înan genê, vengê înan eşnawenê.

Vurîyayîşê Kesayetîye: Kesayetî û kerdinanê kesan de vurîyaîşê pîlî virazîyenê.