Rafet El Roman (b. Ağustos 25, 1968) be namê biyayışi Rafet Yaşdut jew muzisyeno Tırko ke serra 1968 de suka Edirne de marda ho ra bi. Zemano ke tede pi cı keyey ho berd Almanya, serra 1970 de, Rafet biyo dı (2) serri. Hata howt (7) serran, o dewa Uzunköprü Ömerbey de be pırıki cı mend. O sınıfo verêni dewa ho de wend u dıma şı Almanya. Almanya de musayışi cı kerd temam. Zemano ke o des u şeş (16) serran bi, beste deyr u kılami nuşt. Veri namdarbiyayışi cı, o camiye de be vengi cı muezini kerd.[1] O serra 1988 de kari cı sıfte kerd u sexne rê veciyo. Serra 1992 de Almanya de dezgehi Saarlaendischer Rundfunk Radio ra vengo en howl çıniyao we. 1994 de Festivali Kulturi Frankfurti de Media Artist Award – Medya Oduli Senate groto. O serra 1995 de ame Tırkiya u albumi cıyi verêni u albumi cıyi solo Gençliğin GözyaşlarıHesirê cıwani veciyo. Eno albumi cı zêde 1 milyoni roşiyao. 1998 de albumani cı Awrupa de zi veciyi piyasa. O filmi Propaganda de be Kemal Sunal, Metin Akpınar serrol de kay kerd. O kamiya ho vurn u be mucadeley hukuki, peynamey cı vurn u kerd El Roman.[2]
