| Recep Tayyip Erdoğan |
| Fotraf |
|
| Heqa cı de |
| Dewlete |
Tırkiya |
| Biyayış |
|
| Merdış |
|
| Felsefe |
|
| Wezifa |
Serdar |
|
|
Recep Tayyip Erdoğan 26ê Şıbata serra 1954ine de Kasımpaşa / Estemol de ameyo riyê dınya. Nıka serekwezirê dewleta Tırkiyao u serekê Partiya Edalet u Raverşiyayışi (Adalet ve Kalkınma Partisi)yo. Dı demi nê wezifê xo kerdi, yanê hıkumetê demê 59ine u demê 60ine Recep Tayyip Erdoğani nay ro. Welatê xo Rizeyo, feqet o Estemol / Beyoğlu de ameyo dınya u Estemol de biyo pil. Be xo jû raye vato ke Gurciyo, keyey xo Batum ra ameo Rize, labelê raya bine vato ke eslê xo Tırko.
[bıvurne] Serrê verêni
Recep Tayyip Erdoğan lacê Ahmet u Tenzile Erdoğane rê Estemol de ameyo riyê dınya.
Mektebo verên Kasımpaşa Piyale İlkokulu de, lise zi İstanbul İmam Hatip Lisesi de qedênay. Serra 1973ine de İmam Hatipi ra bi mezun. Ê serran de mezunê İmam Hatipan nêkewtêne universıte, coka Tayyip Erdoğani tebera derse gırewte u dıma Eyüp Lisesi ra diplomao bin guret. Dıma kewt Marmara Üniversitesi İktisadi İdari Bilimler Fakültesi u serra 1981ine de o zi qedêna.
[bıvurne] Wextê siyasetkerdışi
[bıvurne] Partiya Edalet u Raverşiyayışi
Wexto ke Partiya Fezileti (Fazilet PArtisi) qapan biye, wekilê komê na partiye biy vıla. Dı hetan miyan ra hetê yewi newedar (yenilikçi) hetê yewi zi kıhandar (gelenekçi) name gırewt. Tayyip Erdoğan hetê newedaran de bi. O ra tepiya serra 2001ine de Erdoğani Partiya Edalet u Raverşiyayışi (Adalet ve Kalkınma Partisi) nayê ro. Weçinıtışê 3ê Tışrinê Peyênê serra 2003ine de ebe Partiya Edalet u Raverşiyayışi ra tenya hıkumet nawa ro.
