Roşanê Qurbani

Wikipediya ra ensiklopediya xosere
Jump to: şiyayış, Cı geyre


Eydê Qurbani ya zi Roşanê Qurbani (Erebki: عيد الأضحى, Farski: عید قربان) ya zi Roca İsmail Peyxamberi, yew roşano dinio ke terefê mısılmanan ra gorey teqwimê hıcri 10ê aşma Zılhıce ra nat çar roci yeno mıbarek kerdene.

Dinê İslami de be Roşanê Remezani ra pia dı roşanan ra tewr muhıman ra yewo. No roşan namey xo 'seba rıza Heqi mal ya ki naxır qırban-kerdene' ra gêno.

Roşanê Qurbani, dıwelê ke nıfusê xo zêdêr mısılmano, inan de lewê roşanê dini de roşano resmi ya zi roca tetili ilan bena.

Nıka terefê mısılmananê dınya pêroine ra mıbarek-kerdana Roşanê Qurbani İbrahim peyğamberi ra menda. Ey waşto ke lacê xo İsmaili Heqi rê qurbane kero. Labelê Heqi o ef kerdo. Yanê adê deyo manewi qebul kerdo u hurêndia İsmaili de yew vosn/beran rusno ke ey qurban kero.

Eyni zeman de alemê İslami her serre seba ferzê Heci hurêndi-ardene rê na wext de şonê Mekka. Roca roşani de nemacê eydi/roşani beno u xudbey roşani waniyeno.

Wextê Roşanê Qurbani de Kabe ra yew asayış

Bıvênên[bıvurne | çımey bıvurne]