The Hobbit: The Desolation of Smaug

Wikipediya, ensiklopediya xosere ra
The Hobbit: The Desolation of Smaug
Afiş
Şınasiye
Tewrê filmi High fantasy, filmo fantastik, adventure film, treasure hunt film, filmê aksiyoni û filmo ke edebiyati ra gêriyao
Zıwan İngılızki
Dewlete Dewletê Yewbiyaeyê Amerika û Zelandaya Newiye
Demê vetışi , , , , û
Direktor Peter Jackson
Senarist Philippa Boyens, Guillermo del Toro, Fran Walsh û Peter Jackson
Kaykeri Adam Brown, Aidan Turner, Cate Blanchett, Dean O'Gorman, Graham McTavish, James Nesbitt, Jed Brophy, John Callen, Ken Stott, Lawrence Makoare, Lee Pace, Luke Evans, Manu Bennett, Mark Hadlow, Martin Freeman, Mikael Persbrandt, Orlando Bloom, Peter Hambleton, Richard Armitage, Stephen Fry, Stephen Hunter, Sylvester McCoy, William Kircher, Evangeline Lilly, Benedict Cumberbatch, Ian McKellen, Billy Connolly, Michael Mizrahi, Ryan Gage, Peter Jackson, Stephen Colbert, Jabez Olssen û Terry Notary
Editor Jabez Olssen
Vıraştoğ Carolynne Cunningham
Distributor Fórum Hungary
Domnayış 161 Deqiqe
Cay seriali Zelandaya Newiye
Cıra veciyayış Lego The Hobbit û The Hobbit: The Desolation of Smaug Extended Edition
Cay Serameyi Cıhano Miyan
Reng Rengın

Hobbit: Dezolasyonê Smaugi ya zi Hobbit: Erdê Smaugio Biawdar (ebe zıwano oricinali ra; The Hobbit: The Desolation of Smaug) jü filmo ke sera 2013 de terefê şırketê Warner Bros ra çap biyo. Formatê filmi fantastik u macerayo, direktorê filmi Peter Jacksono u produktorê filmi Carolynne Cunningham. Film eserê romanê J. R. R. Tolkieni Hobbit ra biyo ebe ilaweyê Peter Jacksoni ra biyo adapte. J. R. R. Tolkien romanê Hobbiti sera 1937 de nuşto u no filme leteyê romanio dıyıni qısey keno. Eno filme de zemanê ke Efendiyo Iştaneyan ra vero qısey beno. Film de hobbit Bilbo Baggins ebe (Martin Freeman) sihırbaz Gandalf (Ian McKellen) u grubê ke 13 cuceyan ra yeno meydan u liderê inan Thorin Meşekalkano (Richard Armitage) , ê Mirkwood, Esgaroth u Dale şıni u ena ra dıme ebe ecderha Smaug (Benedict Cumberbatch) ra ceng keni.

Tema[bıvurne | çımeyi bıvurne]

Film ebe cayo ke name cı Breeyo u dewa Shirey ra nezdiyo ra sıfte keno. Gandalf u Thorin Viyaldar eno ca de yew şewa vartışi de yew mehzen de qal keni. Gandalf, Thorin Viyaldari vino u ey ra Koyo Tenyay ecderha ra peysergrewtış wazıno. Thorin en verên de vano ki o pi ho gerino cı ema eno ra peyni teklifê Gandalfi qebul keno. Gandalf inca de Thorin rê qalê cı ebe piê Thorini ra qal keno u ey rê inca de yew mesaco ke ebe zono siya ra nusiyao wano. Gandalf inca de Thorin rê Bilbo Baggins qıse keno. Eno qalkerdış ra 12 aşmi dıme ê raye vecini. Orgi pey inan ra yeni u ê (Gandalf zi miyan de) yew bon ra şıni. Eno bon bonê Beorno. Beorn yew şekılvurnayoğo. Tay zeman de o beno heşo gırdo siya u tay zemani de beno merdum. Beorn cuceyun ra hes nêkeno. Ema inan yardım keno çunkê Piskerdoğ Azog u orgi keyey Beorni kışti. Boni Beorni de Gandalf, Beorn, Bilbo Baggins, Thorin Viyaldar u cucey binan qarar dani ki ê serê bırr Kuytuormani ra şıni. Beorn inan vano ki ê sere Kuyutormani ra nêşıri, orgê Morya u sıhirbazo mergi yew biy. İnan raya Elfi ra şiyayış tewsiye keno. Ê tewsiyey Beorni qebul nikeni. Beorn inan rê estori dani u ê ebe estoron ra raya vecini. Wexto ke ê Keyberê Kuytuormani ra yeni, Gandalf serê yew dare de mesacê Galadrieli vinıno u raya cı vurno, inan ra bin şıno. Ê zerreya bırri kuni cı u uca de beni vindi. İnca de morcelay inan tepşıni. Bilbo Baggins inca de ebe Engıştaneyo Gırdi ra inan morcelayan ra peyser gêno u hamey morcelayan kışino. İnca de Elfi yeni u inan tepşıni. Elfi inan dewa elfan rê ardi. Thorin Viyaldar ebe serê Elfan ra qal keni u serê Elfan Thorin Viyaldar rê yew biyayene teklıf keno ema o teklıfê qıralê Elfan qebul nêkeno. Bilbo Baggin inca de Engıştaneyo Gırdi yew kez deha ra keno u ambazê ho destê Elfan ra gêno. Wexto ke ê destê Elfan ra vecini, Orgi raye de inan vinini. Eno zeman de Gandalf zi Koyo Tenya rê resıno u inca de ebe Radagasto Şalên ra te lewe yeno. Ê Koyo Tenya de mezeli Newiyani de gerini u heqa newiyan de qal keni. İnca ra peyni, Bilbo Baggins, Thorin Viyaldar u bini, yew masepêgıretoğ inan Dewa Mase ardo. İnca de ê serê dew ra izin gêni u serê dewe inan qandê [[[Koyo Tenya]] şiyayene izin dano. Wexto ke ê nezdiyê Koyo Tenya yeni, ê inan miyan ra Bilbo Baggins weçıni u Bilbo şıno Koyo Gırd. Zerrey Koy de ecderha (Smaug) Bilbo Baggins vinıno. Bilbo Baggins ecderha Smaug rê vano Ez nêame qandê to ra çi dayene, ez terefê koyo bini ra yenan, ez şans bar kenan u serê mı de şans esto. Bilbo Baggins seba Smaug xapiyene zaf xaptino ema ecdarha ey ra inam (baver) nêkeno u kayê Smaugi areze (fam) keno. Ecderha seba Baggins mordene fekê cı ra adır vecnıno ema Baggins zerrey Koy terk keno u nêşeno Kerreya Arkeni bıgıro. Peyniya film de Gandalf terefê Sauroni ra tepşiyao u beno heps. Orgi dewa mase paynıni. Ebe kayê gruba cuceyan ecderha Smaug Koyo Tenya ra vecıno u seba ceza dayene Dewa Mase sero şıno. Sehney filmio peyêni de ecderha Smaug vano Ez jew adıro u ez mergo. Bilbo Baggins ki vano: Ma se kerdo u film peyni gêno.

Kaykeri[bıvurne | çımeyi bıvurne]

Martin Freeman: Bilbo Baggins
Ian McKellen: Gandalf
Richard Armitage: Thorin Meşekalkan
Benedict Cumberbatch: Smaug (sadece ses) ve Ölü Dirilten
Orlando Bloom: Legolas
Evangeline Lilly: Tauriel
Luke Evans: Bard the Bowman
Lee Pace: Thranduil
Stephen Fry: Göl Kasabası'nın Efendisi
Graham McTavish: Dwalin
Ken Stott: Balin
Aidan Turner: Kíli
Dean O'Gorman: Fíli
Mark Hadlow: Dori
Jed Brophy: Nori
Adam Brown: Ori
John Callen: Óin
Peter Hambleton: Glóin
William Kircher: Bifur
James Nesbitt: Bofur
Stephen Hunter: Bombur
Cate Blanchett: Galadriel
Mikael Persbrandt: Beorn
Sylvester McCoy: Radagast
Craig Hall: Galion
Ryan Gage: Alfrid
John Bell: Bain
Mark Mitchinson: Braga
Manu Bennett: Kirletici Azog
Lawrence Makoare: Bolg
Ben Mitchell: Narzug
Richard Whiteside: Barliman Butterbur
Dallas Barnett: Bill Ferny Sr.

Gıreyê teberi[bıvurne | çımeyi bıvurne]