Zerduştine

Wikipediya ra ensiklopediya xosere
Jump to: şiyayış, Cı geyre

Zerduştine, Mecusiye ya zi Mazdaizm (Mazaruni zivon : زرتشتی) dinanê dınyaê tek-homayınanê kehanan ra yewo.

Taê ilmkarê rocawani Zerduştine zey dinê dê dulalisti terif kenê. Eyê ke nê dini rê bawer kenê, fıkr kenê ke beden merdene ra tepeya beno cınde, veciyeno hızurê Ahura Mazday u uca şaniyeno persan ver. No din teqriben 3.500 serran ra aver hetê Zerduşti ra İran de awan biyo. Mabeynê serrane 600 İ. r. A. u 650i dinê İmparatoriya Med u Persio resmi biyo. İslam u Xristiyanine ra aver Zerduştine zey dinê şaranê İraniyanê verêni u yew qısmê Ermeniyan zaniyena. Texmin beno ke ewro amarê inanê ke dınya de Zerduştine rê bawer kenê deva devê 250.000i dero.

Etimolociye[bıvurne | çımey bıvurne]

Zarath rındek, raşt, uštra dewe, yani menay cı, oyo ke wahêrê dewanê rındekano, bena. Çekuya Zoroaster'i Yunanki de duştiya Zarathuštra'ya. Zıwanê şari de zi Zerduşt zey estareo ke cıwiyeno wesf beno.

Xısusiyetê ke cêra benê[bıvurne | çımey bıvurne]

Zerduştine miyanê çeşidanê baweriyan de zey Budizm wertey itıqadan de ca gêna, hetê inano felsefi zi veciyeno planê veri. Bıngey Zerduştine de cengê rındi u xırabiye esto. Zerduşti bawer kerdêne ke pêrodayışo ke cihan de, mabeynê ruhê homay Spenta Mainyu u ruhê şeytanio u her bawermend gani seba rındiye ceng kero. Baweriya şeytani Zerduştine de u fehmbiyayışê meleki dinanê rocawanan de nezdiyê yewbinanê. İtıqadê Zerduştine de Ahura Mazdao ke zey homa qebul beno be "Efendiyê eqli" ra sembolize beno, Ehriman zi quwetê xırabiye temsil keno. U mıcadeley rındiye-xırabiye na nuqte de dest pê keno.

Zerduştıci, gorey adetê xo bawer kenê ke, gani cihan be mendanê insanan ra mexerebiyo. Na ri ra heruna defnkerdena cesedê merdan ê serbananê qulan de, serê inan akerdeyê, cesedi o şekl de verdanê ke duştê kesexur u tesiranê tebiiyan de mêro pawıtene.

Homaê na baweriye Ahura Mazdao. Zerduşt Espantaman peyğamberê nê dinio.

Elementê tebiiy piroz amarenê u nê elementi (awe, erd, hewa, adır) qılêrbiyayışi ra şeveknenê. Be nae ra elaqedar be qaytkerdena adıri, roşnaiye u roci ra ibadet beno. Na baweriye hetê Zerduşt Espentemani ra ameo ardene.

Rareştışo tarixi u tesirbiyayışi[bıvurne | çımey bıvurne]

Zerduştine, heta ke İslamiyet İran de yağme bi dewamê hera biyene kerd.