Şewşewıki

Wikipediya ra ensiklopediya xosere
Jump to: şiyayış, Cı geyre
Şewşewıke

Şewşewıki, tek (yewamar) Şewşewıke ya ki Baçermoke ya ki Baçormıke (mayki), heywanê cıcıkınê. Şewşewıki ca ra sê theyran pereni u heywani guonıni. Zafê yın pê bu'hcık (lulık), teyi zi pê yemışan xu keni weye. Dunya ser her ca zafi cınsi şewşewık u sobina teqlidi yın esti. La miyani yın dı en gırd hê Asya, Afirka u Awıstralya dı cıwiyeni. Eyi gı Awurpa dı cıwiyeni, verardê peli yın hirıs santim esta u pê bu'hcık xu keni mırd.

Verardê peli yın yew metre u şeşti santim verın ca gena. Namê yın „Lûya perena“, ıni zi pê yemış xu keni mırd u wuye. Pyeru piya, tyetewr dı 'henzar cıns sobina teqlidi yın seri 'erdi ra esti. Ini 'heywani hewa nedeyın ra 'hes keni. Qey ki, hewa nedeyın dı peli yın dı qeşaya çirkın esta u ını hewa dı peli yın nêmışqeni. Rueşnayi şoq ra zêdyer ticê rueci ra xu paweni. Rueci dı xu erzeni cayêko tari u itya vındeni. Semedi bu'hcıkan wenık şew ser vındeni. Şew dı vengi ra wet yew gımi veceni. Ina gırayê (pêlê vengi) vengi gımeyış gına çi rı, tepiya zımena u ını zımeyış‘a gueşi şewşewık zaf gueşari. Pê ına gırayê gımi gı tepiya zımena, nêgıneni çi rı u pereni.

Şewşewık yew sistemo radaro xusisi pa esto. Waxta waşte gı rakueri, xu çi‘ya pa lıngan‘a qunqeli kena (lıngan finena hewa) u darda kena u pa vındena...