Mensur el Helac

İdamê Mensur el Helaci

Mensur el-Helac (Farski : منصور حلاج) yew şair u nuştekaro de spiritualisto u Farso. Sera 858 de İran de Fars de maya cı ra biyo. Name cıyê raştıkên Ebû’l Moğıt Huseyn bin Mansûr bin Mehemmed Beyzâvvî o. Leqabê Helaci deha pey ra grewto. Çunkê meslegê cı helaciyo. Verocê İrani de deşta Meyghan de dewa Tûri de biyo. Kalıkê cı Zerduşt biyo. Ebe piyê ho ra, ê key inan suka Vasıti berdi u inca de Mensur serriya cıye 12. de biyo hefız u musnayoğê Sahl al-Tustari biyo. Riyê nuştey cıyê tenkidwari ra, bısılmanê radikali şok kerdo u tepki diyo. Cumley En el Heqi (‏انا الحقّ) vato u eno cumle sebebê mergê ho biyo. O ebe eno cumley ra ebe gırdiya Homay de çıne kerdış vatene waşto ema terefê Xelife ra ameyo ğelat fam kerdene. Eno cumle de name Homay Heq (الحقّ) biyo u riyê eno sebebe ra ebe Zındıqbiyayışi ra qebehetê ho biyo u sera 912 de mehpus biyo. Heta sera 922 hepbsê ho qadiyo u ena surecê gırdi ra dıme ebe icazey xelifa Muqtedir Billâhi ra ebe raya postê ho cıra kerdış ra suka Beğdadi de kışiyao.