Xıristiyaniye

Xıristiyaniye dinê İsa peyğemberiyo. Cı rê İsewitiye ki vaciyena. Merdumo ke na dini rê bawer keno cı rê Xristiyan vaciyeno. Kitabê mıbarekê İsewitiye İncila u Hz. İsay rê ama.

Dinê Xırıstıyaniye dınya sero her ca ra biyo vıla, labelê tewr zêde Ewropa, Amerika, Afrika Veroci u Awıstralya de esto.

Rıstımê çekuya Xristiyani Yunanki khristos ra yeno u seba Mesihi vaciyeno. Mesih ki İbraniki maşiah ra yeno u mana xo yena be "ruwen ra miştdaene, mıbarek kerdene".

Xıristıyaniye ke Cıhudiye ra veciya, uca ra Ado Kıhan gırewto u Ado Newe kerdo ra ser. Ayra ke İncil dı letey ra yena pêra. Nae rê Kıtabo Mıqeddes ki vaciyeno. Letê xoyo yew Ado Kıhan, leto bini ki Ado Neweo.

Ado Newe ra gore Homa hirê şeklan ra yeno pêra. Ninan rê "Pi" (Heq/Homa), "Lac" (Hz. İsa) u "Roho Qudus" vaciyeno. Yanê Xristiyani Hz. İsay rê zey rebê xo u xeleskarê xo bawer kenê.

Hirê lızgey itıqadê İsewitiye estê:

• Xıristiyaniya Protestante ya ki Protestantizm
  • Dêra İsayê Raşte
• Xıristiyaniya Katolike ya ki Katolisizm
• Xıristiyaniya Ortodokse ya ki Ortodoksiye

Bıvênên

• İncil
• Kılise
• Hz İsa
• Papa
• Hirêleti
• Yeneyo Aziz