Celadet Alî Bedirxan: Ferqê çımraviyarnayışan

Wikipediya, ensiklopediya xosere ra
Content deleted Content added
mNo edit summary
Xoser (werênayış | iştıraki)
mNo edit summary
Line 9: Line 9:
| Merdiş = [[15 Temuz|15ê Temuzî]] [[1951]]
| Merdiş = [[15 Temuz|15ê Temuzî]] [[1951]]
| Felsefe =
| Felsefe =
| Kar = [[Siyasetkar|sîyasetkar]], rocnamewan û ziwanzanoẍê Kurdkî
| Kar = [[Siyasetkar|sîyasetkar]], rocnamewan û ziwanzanox
}}
}}
'''Celadet Alî Bedirxan''' yew sîyasetkar, rocnamewan û ziwanzanoxo [[Kirdas]] bi. 1893 de [[Estanbol]] de ameyo rîyê dinya. Celadet lacê [[Emîn Alî Bedirxan]] û [[Senîha Xanim]]e yo.
'''Celadet Alî Bedirxan''' yew sîyasetkar, rocnamewan û ziwanzanoxo [[Kirdas]] bi. 1893 de [[Estanbol]] de ameyo rîyê dinya. Celadet lacê [[Emîn Alî Bedirxan]] û [[Senîha Xanim]]e yo.

Revizyonê 21 Gulane 2013, seate 11:15 de

Şablon:Merdumî Celadet Alî Bedirxan yew sîyasetkar, rocnamewan û ziwanzanoxo Kirdas bi. 1893 de Estanbol de ameyo rîyê dinya. Celadet lacê Emîn Alî Bedirxan û Senîha Xanime yo.

Hawar

Celadet Alî Bedirxan, 15ê Gulana, 1932 de kovara Haware vete. Vecîyayîşê Hawareyî hetanî Serra 1943 dewam kerde û hetanî peynî 57 amare vecîya. Ewro no tarîx yanî 15ê Gulane bi munasebetê vecîyayîşê Hewarî Kurdan rê bîyo "Roşanê Ziwanê Maye". Nê çend serrî yê pancêsê gulane de Kurdî na roje sey roşanî pîroz kenê. Hawar kovara Kurdan ê yewin a ke bi herfê Latînî vejîyena.

Mewlidê Usman Efendîyê Babijî

Amara vîst û hîrêyine ê Temmuza Serra 1933 de Mewlidê Usman Efendîyê Babijî neşir beno. Mela Usman Efendîyê Babij, miftîyê Sêwregî Serra 1906 de bi Kirdkî (Dimilkî) yew mewlid nuseno. Seba ke sey kitabêk çap ra gino şaweno Dîyarbekir. La çap nêbeno û walîyê Dîyarbekirî tepay şaweno. Mela Osman Efendî nê nuşteyê xo hetanî Serra 1933 nata-weta, çarneno-çeperneno keno nêkeno nêşkeno sey yew kitabêk çap bikero.

Rocêke Celadet Alî Bedirxan Şam de hela şanî o û embazêkê xo ver bi keye şinê. Ewnîyeno kalikêk eke emrê ey qasî pancas-şestî serrî yo ha peynîya înan ra yeno. Kalik silam dano înan û xo dano naskerdene vano "Ez Mela Muhamed Nezîr lacê Hecî Îbrahîmê Dêrşewî ya.”

No mela Sêwregi ra verê pancîyes rocî ameyo Şam seba ke Mîr Celadet ci rê ya zî birê ey rê yew gure bivîno. Wexto ke derdê xo Celadetî ra vano, Celadet ewnîyeno, ziwanê ey nêmoneno ziwanê Botan î. Ziwanê ey zafêr moneno ziwanê Dîyarbekir î. Celadet ey ra vano "Siba bê keyeyê ma, ma qisey kenî."

Beno siba Mela şino keyeyê înan. Keye de Celadet û mela suhbet kenê. Suhbet de fehm beno ke Mela Dimilî yo. Senî fehm beno ke Mela Dimilî yo û Sêwregij o, êndî Celadet dest bi persanê Mewlidê Usman Efendîyê Babijî keno. Wextêk, nusheyêka nê mewlîdî keweno destê Celadet Bedirxanî. Seba ke Celadet Dimilkî ra fehm nêkeno dest nêdano ci û xo ver de verdeno. Birêz Celadet xo bi xo vano:

"Xora verê ra zerrîya mi bibî ke ez zaravayê Dimilkî ser o tayê mijul bibî. Bi taybetî zî mi waştêne ez mewlidê Usman Efendîyê Babijî bifînî dest. Û ez yewê ke Dimilkîya Sêwregi rind zano bivînî û ez ey ver de biewnî nê mewlîdî ra û ez nê mewlidî çap bikerî. Xora bi zaravaya nê Zarê Şêrînî hema çîyêk nêameyo nuştiş, eke ameyo zî hema mi nêdîyo!"

Mewlidê Usman Efendî hetê Celadet Bedirxanî ra bi Zarê Şêrînî çap beno (Hewar, Amar 23). La çi heyf ke Mela Usman Efendîyê Babij Serra 1929 de rehmet keno û çapkerdişê mewlidê xo nêvîneno.

Merdişî

Celadet Alî Bedirxan 15ê Temuzî 1951, Hêcanê/Şam) de mireno. Keyeyê Bedirxanîyan qiymeta zaf pîle dayê tarîx, kultur û ziwanê Kurdkî û emrê xo nayê mucadeleyê tarîx, kultur û ziwanê Kurdan ser o.