Abdullah Öcalan

Abdullah Ocalan
Melumato şexsi
Dewlete	TırkiyaTırkiya
Cınsiyet	Camêrd
Cayê biyayışi	Ömerli
Biyayış	4 Nisane 1949
Wendış	Universitey Anqara Fakultey Zanışanê Siyasi û Universitay Anqara
Gure	Siyasetkar, nuştekar û activist
Fıkır	Partiya Karkeranê Kurdıstani
Zıwani	Kurdki û Tırki
Hempar	Kesire Yıldırım
Keyepele	www.abdullah-ocalan.com

Abdullah Ocalan (Apo) serdarê Partiya Karkeranê Kurdıstani (PKK)o. Tayinan çim de zî yew serekê Kurdan hesebîyeno. 4ê Nisanê 1949 de Xelfeti (Rıha) de ameyo dinya. Dima ra Anqara de mektebê sîyasetî wendo. Eke mekteb wendo, uca fikrê Kurdıstanî pê girewto û çand hebî embazanê xo de Diyarbekır de serra hezar û newsey û hewtay û heştine (1978) de PKK dewa Fisî de (Lıcê) naya ro.

Verê derba Eylulê 1980î vecîyayo teberê Tırkiya û şiyo Lubnan û uca ra zî vêrdo ra Suriya. Key ke Surîya de biyo, dewleta Tirkîya waşto ey çand rey bikişo labelê nêşayo. Dime ra serra 1998ine de generalêk Tirkîya serê sînorê Surîya de Surîya tehdîd kerdo û vato, "eke şima Apoyî mîyanê çend mengan de welatê xo ra nêvecê, ma go şima de beno ke herb bikerîme." Ayî ra Surîya mecbur manena, Ocalanî vecena teberê welatê xo.

Ocalan verên de şono Yunanıstan, labelê înan o uca ra kerd teber. Vêreno ra, şono Rusya, ê ey uca ra zî vecenê teberê welatê xo. Dime ra vêreno ra, şono İtalya, labelê Îtalya zî nêşena ey mîyanê xo de pê gêro. Û Ocalan peynî de şono Kenya. Dime ra MİT bi destekê îstîxbaratê Amerika serra 1999 ine, 15ê Sibatî de Ocalan Kenya ra yeno remnayene û ey anê Tirkîya.

Ocalan hukmê cezaya merdene gêno, labelê, o yo ke cezaya merdene Tirkîya de darenê we, cezaya ey çarnenê miebbed. O wext ra nat girawa İmralı de mehpus o. Heta serra 2009ine uca tek mehpus bi, labelê a serre ra tepîya 5 mehpusê bînî zî ardî ey het. Ocalan mendişê xon ê girawe de çend kîtabê derheqê rayîrê demokratbîyayîşê Tirkîya de nuştê. Nika girawe de mehpus o.