Gülşat Aygen

Şablon:Infobox Nuştekar Gülşat Aygen, (b. 1960, Islahîye) ziwannas, nuştox û çarnayox a. Dewletê Yewbîyayeyî yê Amerîka de beşê îngilizkî yê Unîversîteya Northern Illinois de mamosta ya û ziwannasîye ser o dersan dana.

Cuya aye

1960 de Islahîye de ameye dinya. 1996 de Fakulteya Edebîyat û Ziwananê Rojawanî yê Unîversîteya Bogazîçî ra mezun bîya, serra 1998 de eynî unîversîte de warê ziwannasîye de lîsansê berz temam kerdo. 2002 de Unîversîteya Harvardî de warê îlmê ziwanî yê teorîkî de doktoraya xo temam kerda. Unîversîteya Illinois û Unîversîteya Harvardî de dersa teorîyê îlmê ziwanî, muqayesekerdişê ziwanan û dersê ziwanî yê îngilizkî dayî. Warê îlmê ziwanî de bi seyan meqaleyê aye weşanîyayê.

Serra 2007 de derheqê kurmanckî de bi nameyê Kurmanjî Kurdish (Kurdîya Kurmancî) yew kitabê gramerî weşana. Serra 2010 de zî kirmanckî (zazakî) ser o bi nameyê Zazaki/Kirmanckî Kurdish (Kurdkîya Zazakî/Kirmanckî) kitabêk amade kerd. Kitab bi kilmîye derheqê gramerê kirmanckî de yo, hîna zaf awanîya fonetîk, fonolojî, morfolojî û sentaksê kirmanckî ser o ameyo vindertene. Kitab çar qisman ra yeno pê. Qismê verênî de xususîyetê fonolojîkî, qismê diyin de xususîyetê morfolojîkî, qismê hîrêyin de sentaksê kirmanckî ser o ameyo vindertene. Qismê çarin de zî metnê nimûneyî estê.

Kitabê aye

• Finiteness, Case and Clausal Architecture, MIT Occasional Papers in Linguistics 23, 2004.
• Kurmanjî Kurdish, Languages of the World/Materials 468, Lincom Europa: Munchen, 2007.
• Zazaki/Kirmancki Kurdish, Languages of the World/Materials 479, Lincom Europa: Munchen, 2010.
• Light Verbs, Cambridge: Harvard Working Papers 9, 2004. (Claire Bowern û Conor Quinn reyde pîya).

Çimeyî

"". 

Gireyê teberî

• http://www.gulsataygen.org/