Weşanxaneyê Vateyî

Logoyê Çapxaney Vatey

Çapxaney Vatey (ya zi be nuştışê çapxaney Weşanxaneyê Vateyî) serra 2003yıne de Estamol de niyao ro.

Çapxaney sero

Grubê Xebetê Vatey dest be weşenayışê Pêseroka Vatey amnanê 1997ine de Swêd de kerd, labelê Çapxaney Vatey serra 2003ine de Estamol de seba ke qeraranê nê grubi xo rê zey siyasetê weşenayışi bıgêro u be no qeyde kıtabanê Zazaki çap bıkero, be namey nê grubi u Pêseroka Vatey ame sazkerdene u 2003ine ra nat kıtab u pêserokanê xo Estamol ra keno vıla. Çapxane de serra 2003ine ra hetan ewro hirıs u yew kıtab u des amarê Pêseroka Vatey çap biyê.

Raverşiyayışê Grubi

Grubê Xebetê Vatey tebaxê 1996ine de paytextê Swêdi Stockholm de awan bi u derheqê Zazaki de hetan ewro 15 pêserameyışi welatanê Swêd, Almanya u Tırkiya de vıraşti. Ezaê Vatey Zazaanê ke be Zazaki nusenê u mıntıqayanê cia-ciayan ra yenê pêser. Armancê grubi standardizekerdışê Zazakiyo.

Hetê nê grubi ra semedê vıraştışê yew Zazakiyê standardi ra xeylê qerari amey gırewtene: Pêserameyışanê Grubê Xebetê Vatey de, ezay hetê term u çekuyan, hetê ra ki qeydeyanê raştnuştışê Zazaki sero vınderti u ê kıtab u pêserokan de neşr kerdi. Pêserameyışê verêni 2-4ê tebaxê 1996ine de Stockholm de biy. Raa verêne, pêserameyışê xoyê 15ine temmuza 2007ine de Diyarbekır de ame vıraştene. Wesarê 2008ine de ki, Vate yew büroê xo Diyarbekır de kerd ra. Ewro, Vate endi Tırkiya ra çapkerdışê xo dewam keno.

Standardizekerdışê Zazaki

Seba ke Zazaki ra xızmet bıkero u nuştışê zıwani nia asan bıkero, Grubê Xebetê Vatey yew Zazakiyo Standard vıraşt ke têde lehçeyan ra yena pêra u yew alfabe u gramerê yewbiyae gureneno. Armancê xoyo ke ver be yewbiyaena zıwanê nuştışi kaosê Zazakiyê nuşteki bıqedêno. No grub qeydeyanê gramerê Zazaki tesbit keno o miyanê formanê cia-ciayanê çekuyan ra yew form zey standardi çineno we. Hetan ewro Grubê Xebetê Vatey dorê phanc hezari çekuy standardize kerdê u ferhengek de dayê weşenayış. Nê grubi yew ki kıtabê raştnuştena Zazaki kerdo hazır.

Beşdarê Vatey

Taê beşdari ewro semedê cia-ciayan ra Grubê Xebetê Vatey ra bırriyayê a. Heto bin ra kî xeylê nuştoğê newey beşdar biyê.

Kesê ke ezayê Vatey ya ki pêserameyışanê Zazaki de biyê hazır, nê yê:

(Bacar ya ki qezeyê ke parantezan miyan derê eslê beşdaran mocnenê)

• Mehemed Malmisanıj (Piran) – Serredaktor
• J. İhsan Espar (Piran) – Redaktorê Pêseroke
• Haydar Diljen (Sêwregı) – Redaktorê Pêseroke
• Cemil Gündoğan (Dêrsım) – Redaktorê Pêseroke
• Deniz Gündüz (Gımgım) – Persberê Pêseroka Tırkiya
• Munzur Çem (Dêrsım) – Persberê Pêseroka Almanya
• Şukri Atik (Gımgım) – Persberê Pêseroka Hollanda
• Memo Darrêz (Bongılan) – Persberê Pêseroka Norweçi
• Seyidxan Kurıj (Çewlig)
• Lerzan Jandil (Gımgım)
• Sait Aydoğmuş (Gımgım)
• Osman Aytar (Sêwregı)
• Yıldıray Beyazgül (Gımgım)
• Aydın Bingol (Gımgım)
• Hümanê Çiyan (Depe)
• Nihat Eli (Sêwregı)
• Nevzat Gedik (Gımgım)
• Huseyin Gırmıt (Erzıngan)
• Wısıf Kaymak (Piran)
• Elif Kılıç (Dêrsım)
• Çeko Kocadağ (Gımgım)
• Huseyin Kulu (Dêrsım)
• Selım Murat (Palı)
• Hamdi Özyurt (Gımgım)
• Robin Rewşen (Lıcê)
• Kamer Söylemez (Dêrsım)
• Mehmet Taş (Dêrsım)
• Kazım Temurlenk (Dêrsım)
• Harun Turgut (Palı)
• Şukri Urgun (Hêni)
• Orhan Zoxpayıj (Çewlig)
• Serdar Bedırxan (Piran)
• Muzafer Xeylanıj (Palı)
• C. Zerduşt Piranıj (Piran)
• Mehmud Nêşite (Lıcê)
• Suleyman Yılmaz (Piran)

Redaktorê Pêseroke, Mehmet Uzun (Sêwregı), oktobrê 2007ine de biyo rehmeti.(No malumat şaş o. Mehmet Uzuno ke oktobra 2007î de şi rehmet, çi eleqeyê ey bi Vate çin bi. Mehmet Uzun, romannus bi. O ke nameyê ey viyareno, şarê Pali yo, hema weş o. Seba ke nameyê ey û Mehmet Uzunî pêmanenê, Mehmet Uzunê paliyijî nameyê xo yê nuştişî bedelna kerd Selîm Murat. Yanî, nameyê Selîm Muratî esas Mehmet Uzun o. Verî xebata Vate de, Mehmet Uzun nusîyayne.)

Destpêkê Vatey de Osman Aytar, Yıldıray Beyazgül, Çeko, Munzur Çem, Hümanê Çiyan, Memo Darrêz, Nihat Eli, Lerzan Jandil, Huseyin Kulu, Seyidxan Kurıj, Robin Rewşen, Kamer Söylemez, Kazım Temurlenk, Harun Turgut, Şukrî Urgun Grubê Xebetê Vatey de gureyay (xebetiyay) biy.

Çapê Vatey

Taê pêserok u kıtabê ke hetan ewro Vatey day çap ro, nê yê:

Pêseroke:

• Grûba Xebate ya Vateyî, Vate – Kovara Kulturî, hûmarê 1 (1997) – 31 (2008)

Ferheng:

• Grûba Xebate ya Kirmanckî, Ferhengê Tirkî – Kirmanckî / Kirmanckî – Tirkî, çapa dîyine ya hîrakerdîye, Stenbol, 2004, ISBN 975-6278-02-1
• Lezgîn, Roşan, Ferhengê Îdyomanê Kurdkî (Kirmanckî, Zazakî), Stenbol, 2005, ISBN: ISBN 975-98773-8-4

Gramer:

• Grûba Xebate ya Vateyî, Rastnuştişê Kirmanckî (Zazakî), Stenbol, 2005, ISBN 975-6278-04-8

Perwerde:

• Gunduz, Deniz, Kirmancca / Zazacca Dil Dersleri, Stenbol, 2006, ISBN 975-6278-10-02

Roman:

• Çem, Munzur, Gula Çemê Pêrre, Stenbol, 2007, ISBN 978-975-6278-19-2

Reportaj:

• Malmîsanij, Gotibun Ku... (Kurmanckî), Stenbol, 2006

Şıir:

• Hunî, Mela Mehemed Elî, Mewlid & Yusuf û Zelîxa û Qesîdeyê Kerbelayî, Stenbol, 2004, ISBN 975-98773-2-5
• Merdimîn, W. K., Dîwan, Kirdkî / Zazakî Şîîrî, Stenbol, 2004, ISBN 975-98773-0-9
• Lezgîn, Roşan, Dêsan De Sûretê Ma Nimite, Stenbol, 2005, ISBN 975-98773-9-2
• Kişanak, Zulkuf, Delala Çimrengîne rê Qesîdeyî, Stenbol, 2007, ISBN 978-975-6278-15-4
• Espar, J. Îhsan, Dilopê Zerrî, Stenbol, 2008

Hêkat u meseley:

• Lezgîn, Roşan, Binê Dara Valêre De, 2003, Stenbol, ISBN 975-288-786-4
• Espar, J. Îhsan, Beyî Se Bena?, Stenbol, 2004, ISBN 975-98773-4-1
• Koêkorta, Memê, Berxa Mi Xerîbîyê De, Stenbol, 2004, ISBN 975-98-773-3-3
• Gedik, Akman, Gimgim Zerreyê Ma De, Stenbol, 2004, ISBN 975-98 773
• Gunduz, Deniz, Hîkayeyê Koyê Bingolî, 2004, ISBN 975-98-773-6-8
• Ozyurt, Hamdî, Lajêko Zimbêlin, StenboI, 2004, ISBN 975-6278-00-5
• Ozyurt, Hamdî, Dergûş Çira Berbeno?, Stenbol, 2005, ISBN:
• Çem, Munzur, Hewnê Newroze, Stenbol, 2005, ISBN 975-6278-05-6
• Karakaş, Huseyîn, Omid Esto, Stenbol, 2006
• Lezgîn, Roşan, Ez Gule ra Hes Kena, Stenbol, 2007, ISBN 978-975-6278-17-8
• Canşad, Murad, Xafilbela, Stenbol, 2008

Arêkerde:

• Espar, J. Îhsan, Tayî Estanikî û Deyîrê Ma, Stenbol, 2004, ISBN 975-9010-69-0
• Adabeyî, Feyza, Estanekanê Sêwregi ra, Stenbol, 2005
• Licokic, Mihanî, Şanikan û Deyîranê Licê ra, Stenbol, 2007, ISBN 978-975-6278-14-7

Bıvênên

• Vate

Gırêy

• Pela Vatey
• be Deniz Gunduz ra reportaj
• Abiyayışê Büroê Vatey sero yew nuşte