Munzur Çem

Dosya:Munzur Çem.png

Munzur Çem yew nuştoğê rocnameyanê Zazakiyo. Serra 1947ine de dewa Kêği (Cêği) Qurze de ameyo riyê dınya. Mektebo verên Seter de, mektebê miyani ki qeza Dêrsımi Nazmiya de wend. Serra 1962ine de Erzurum de dest be wendışê Kolejê Sıhhatiyo (Sağlık Koleji) çehar serre kerd u serra 1966ine de no mekteb Diyarbekır de qedena. Serra 1971ine de Mektebê İqtısadi u Ticariyo Berzê Anqara wend.

Munzur Çem, serra 1970ine ra nat be Tırki u Zazaki meqale, roman u hikayeyan nuşneno; şanık u lawıkê ke şari miyan de yenê vatene, inan dano arê. Meqaley ey ekonomiye, politika u kulturi seroyê. Tepiya imla u gramerê Zazaki sero ki xeylê kar u gureyê xo estê.

Munzur Çem hal u usıl ra gore mecbur mendo, seba ke ey meqaley u kıtabê xo be cia cia nameyan nuştê. Taê nameyê ke heta nıka no kar pê kerdo nêyê: H. Toprak, A. Taş, M. Çem, B. Şilan, S. Dilan, Mirzali Çimen, Aliqemer uêb..

Heto bin ra Munzur Çem xebatkarê de heqanê merdumio. Kurdistanê Zımey de halê heqê merdumine sero xeylê kar u gureyê xo esto.

Cia cia taê meselan sero broşurê Munzur Çemi ki estê. Meqaley, lawıki, şanıkê arêkerdey u hikayê nuştoği, heta ewro xeylê pêserok u rocnameyan de veciyê u hewna ki vecinê. Grubo ke çend serrio imla u gramerê Zazaki sero gureyeno (xebetiyeno) u Swêd de pêseroka Vatey vezeno, Munzur Çem inan ra yewo. Nustoğ nae de temsilkarê na pêseroka ê Almanyawo, rocnamey heftey Roja Teze de, 15 roci de reyê be Zazaki meqaleyan nusneno.

Munzur Çem, ronaoğanê Kurd-PEN ra yewo, çıke o xo Kurd vêneno. Labelê hetê biyayışi ra Zazao u Zazaki qesey keno.

Çımey

• Hewara Dêrsımi (Kıtabê Munzur Çemi, 2003)
• antolociye