Uyğurıstan

Wikipediya, ensiklopediya xosere ra
Uyğurıstan
Desmal
Melumat
Dewlete Cumhuriyetê Şariê Çini
Mıntıqa Cumhuriyetê Şariê Çini
Ware Eyaletê Otonomiyê Xinjiang-Uyğuri
Xerita

Uyğurıstan (be Uyğurki: ئۇيغۇرىستان, Çinki: 東突厥斯坦) jew mıntıqa de factoya ke Çini de ca gêna. Name cı hem zeman de Tırkıstani Çini (Uyğurki: شەرقىي تۈركىستان, Çinki: 东土耳其斯坦) o. Uyğurıstan yeno mena cayê Uyğuran, name mıntıqa sufiksê -ıstani ra vıraziyena. Uyğurıstan bınê kontrolê Çini dero û jew eyaletê Çinio. Cay xo rocawan û zımey Çini dero. Erdê xo 1,65 Milyon km2 ra nezdio. Uyğurıstan pêro koyıno û çol zi esto. İklımê xo germo û çolıno. Vartış kemi esto. Uyğurıstan de çoli zaf esti û a ri ra merdımi sukê qıteki de cuwıni zey sukê Kaşgar, Yarkent, Hotan, Aksu, Uçturfan, Kumul, Altay, Gulca û Turfan. 1933 de na mıntıqa de terefê Uyğurani ra jew cumhuriyet Cumhuriyetê Tırkıstanê Rocvetışiê İslami vıraziyao û dıma jew serra biya xırabe. Uyğurıstan de Çinıci zafo û dıma Çinıcan ra Uyğuri, Qazaxi, Huiy yeni. Nıfusê merdımê Uyğurıstani pêro mısılmano. Dıma İslami ra Çinıci yeni û dinê inan dino folkorio. Suka Urumçi na mıntıqa de suka de tewr gırda. Ekonomiya Uyğurıstani howla. Hıkumetê Çini na mıntıqa sero zaf kuna.