Zıwano merde
Zıwano merde zıwano ke zemanê veri de merdıman o qısey kerdêne ema ewro qalkerdoğê/qıseykerdoğê cı nêmendo u qısey nêbeno, cı rê vaciyeno. Yew zıwan terefê merdıman ra qısey beno ema eke domanê merdıman u domanê (torni) newey zıwani qısey nêkenê, nêmusenê ya zi nêşenê bımusê o zıwan mıreno u beno zıwanê do merde.
Zıwan senin mıreno?[bıvurne | çımeyi bıvurne]
Raveri her zıwan wayirê qalkerdoğanê xo beno, ema eke nesılê verêni zıwanê xo qıcanê xo ra nêmusneni zuan mıreno. Eke zıwan illegal (yesax) vınêno, zıwan mıreno. Politika asimilekerdışi zıwanan u merduman sero zaf zerar dano. Mısal Tırkiya de riyê politika asimilekerdışi ra zuanê Ubıxki merdo u ewro jew zıwano merdeo, zuanê Lazki zi hêdi hêdi mıreno. Eke zıwanê yew şari mıreno, kulturê şari zi mıreno u şar beno asimile u vıni, estiya xo nêmanena. Heto bin ra zuanê Adigeki İsrail de tenya 2 (dı) dewi de qal (qıse) biyêne emma İsrail eno zuan bınê seveknayışi (sıtarkerdış) ra gırota, zuanê mektebi kerda u İsrail zuanê Adigeki sero politika asimilkerdışi nêkerd, a ri ra ewro Adigeki hıma esto u qali beno. Eke jew zıwan kuno (kownêno) domê vınibiyayışi u hıkumet ya zi merdumi bınê kontroli ra nêgêni, o zıwan beno vıni u mıreno.