Coğrafyay İtalya

Wikipediya ra ensiklopediya xosere
(Redirected from Coğrafyaya İtalya)
Jump to: şiyayış, Cı geyre
Coğrafyay İtalya

Coğrafyay İtalya (be İtalyanki: Geografia dell'Italia), cayê İtalya verocê Ewropa de, Nêmadey İtalya dero. Cayê İtalya zımey de Koyê Alpi, veroc de Deryayo Miyanêne rê cirano. Gorey coğrafyay İtalya, adey Sicilya u Sardunya zi Coğrafyay İtalya rê daxilê. Erdê İtalya 301,230km²yo. İtalya gorey erdê xo koyıno. %40ê erdê İtalya koyan ra vıraziyayo. İtalya de zaf deşti çıniyê. Tenya zımey rocvetışê İtalya de deşti estê.

Zımey İtalya de İswiçre (740 km) esto, zımey rocawani de Fransa (488 km) esta, zımey rocvetış de Awıstırya (430 km) u rocvetış de zi Slowenya (232 km) esta. İtalya yew nêmadeyo u verocê dormey nêmadey İtalya de Deryayo Miyanên u rocvetışê dormey nêmadey İtalya de zi Deryayo Adriyatik esto.

İklımê İtalya zaf serd niya, amnani İtalya zaf germ beno u vartışê varıti zaf nêbeno. Zımıstani de zi hewa İtalya zaf serd nêbeno, tenya qısmê zımeyê İtalya de vartışo vewre beno. Verocê İtalya her mewsım nermo. Verocê İtalya de iklımê Deryayê Miyanêni hukım keno, zımeyê İtalya de zi iklımê Deryayê Miyanêni hukım keno ema zaf tesir nêkeno, vewre varena. İtalya de zaf dari çıniyê. Zımeyê İtalya de zaf deşti estê u nê deşti zaf mexsuldarê. Miyanê İtalya zaf koyıno u deşti çıniyê. Verocê İtalya zi koyıno. Adeyê Sicilya u Sardunya zi koyıno.[1]

Koyê İtalya[bıvırne | çımey bıvırne]

Topografiya Sicilya, Sicilya adeyo de tewr gırdo İtalya de
  • Matterhorn
  • Monte Rosa
  • Gran Paradiso
  • Bernina
  • Stelvio
  • Dolomites
  • Mont Blanc

Royê İtalya[bıvırne | çımey bıvırne]

  • Po
  • Piave
  • Adige
  • Brenta
  • Tagliamento
  • Reno
  • Arno

Adeyê İtalya[bıvırne | çımey bıvırne]

  • Sicilya 25,708 km2 (adeyo de tewr gırdo)
  • Sardunya 24,090 km2
  • Elba 224 km2

Referansi[bıvırne | çımey bıvırne]

  1. https://www.cia.gov/library/publications/the-world-factbook/geos/it.html