Kurdistan (rojname)

Wikipediya, ensiklopediya xosere ra
Kurdistan

Rojnameyê Kurdistanî bi kurdkî rojnameyo yewin o.[1]

Rojnameyê Kurdistanî 22'ê Nîsan 1898 de, hetê Mîqdad Mîdhad Bedirxanî ra Qahîre de, paytextê Misirî de, dest bi weşane kerdo.[2] Hûmara 6'ine ra dima Evdirehman Bedirxan Begî weşanayîşê rojnameyî domnayo. [3] Hûmara 1'ine ra hetanî 5'ine Qahîre de, 6'ine ra hetanî 19'ine bajarê Cenewre de, 20'ine ra hetanî 23'ine London de, 24'ine ra hetanî 29'ine Folkestone de û hûmara 30'ine ra hetanî 31'ine reyna Cenewre de ameya weşanayîş.[4] 13 Nîsan 1909 de rojnameya "Kurdistan"î ameya girewtiş.[5] Ziwanê rojnameyî bi kurdkî û bi tirkîya Osmanî bi. Nuşteyê kurdkî zafane bi kurmanckî, qismêk zî bi sorankî bî.[3]

Destpêkê weşanayîşê Rojnameyê Kurdistanî, sey xebatêka şarî û rewşenbîrî hesebîyena. Roja destpêkê vetişê rojnameyê Kurdistanî ewro hetê heme dezgeyanê kurdkî ra û hetê Hikûmeta Herêma Kurdistanî ya Iraqî zî sey destpêkê rojnamegerîyê kurdkî yeno qebûl û fîraz kerdiş.[6]

Çimeyî[bıvurne | çımeyi bıvurne]

  1. Mehmed Uzun, Kürt Edebiyatına Giriş, Ithaki, Çapa 3., 2007, r. 73
  2. Rojnameya Kurdistan, No1, 1898, Qahîre
  3. 3.0 3.1 Mahmûd Lewendî, İlk kürt Gazetesi Kürdistan (1898-1902), Kovara Berhem, hûmare 8, r.15-20
  4. Fetullah Kaya, Osmanlı Döneminde Kürt Basını, Marmara Üniversitesi Sosyal Bilimler Enstitüsü, Yüksek Lisans Tezi, Îstanbul, 2008, s.41
  5. Malmîsanij, İlk Kürt Gazetesi Kurdıstan'ı Yayımlayan Abdurrahman Bedirhan (1868-1936), Vate Yayınevi, 2009
  6. Malmîsanij & Mahmûd Lewendî, Li Kurdistana Bakur û li Tirkiyê Rojnamegeriya Kurdî (1908 - 1992), Özge, 1992, s.15