Mançester de êrışê terori 22.05.2017

Roca dışemiye, 22.05.2017, sûka İngıltere Mançester de, şande yew salonê konseri de konser ra tepeya jû bomba peqaye. Pê nê galmeyê (êrışê) terori 22 mordemi kışiyay, 59 teni ki biy dırbetıni (bırindari, darbıcêyıni). Qurbanan miyan de keynekê da heşt serriye ki esta, xora 12 teni ki 16 serri ra qıcê.

Teroristo ke bomba peqıta, xo ki tey kışto, nameyê cı Selman Abediyo ke polis de şınasiyeno. Serwezire Theresa May beyanatê xo de vato ke, kamiya teroristi zaniyena, labelê riyê emniyeti ra na deqa nêwazenê aşkera kerê.

Konserê senatkara popi Ariana Grande de wexto ke konser qediyayo, teroristi caê teber veciyayışi de pawıto ke heta mılet veciya teber, o taw xo ki tey peqıto. Heyranê senatkara Amerıkanıca İtalyane Ariane Grande zehfêri xort u gênci biy. Senatkare nê galmeyê (êrışi) ra tepeya konserê binê ke turney Ewropa de mendê, betel kerdê u seba zemanê nêwaşt sehne bıgêro.

Teşkilatê terori Dewleta İslami (DAİŞ, IŞİD), pê organê xo'yê medya Amak internet ke nao ro xo ke “esker”ê dê xo na bomba peqıta.

Xeberan de ame vatene de, polisi beyan kerdo, namey kerdoği Salman Abediyo, 22 serreyo.