Operasyonê Qalxanê Fırati

Wikipediya, ensiklopediya xosere ra

Operasyonê Qalxanê Fırati (Tırki: Fırat Kalkanı Operasyonu) ya zi Ğalımê Cerablusi operasyono eskeriyo ke Cumhuriyetê Tırkiya vıraşto ro zımey Suriya ser. Operasyonê Tırkiya tarixê Tebaxe 24 2016 de vıraziyao, 29 Mart 2017 de zi peyni diya. Ordiyê Tırkiya Cerablus u nezdiyê cı de pancês (des u panc) dewi vıstê ra xo dest u dıma zi ê day Ordiyê Suriyayê Xoseri.[1]

Tırkiya ida kerda ke no operasyon Dewleta İslami u YPG sero vıraşto. Tank u eskerê Tırkiya be milisanê OSX ra piya hıdudê Suriya ra vêrdê a hetê bini. Ordiyê Tırkiya des u çehar sate de Cerablus gırewto u dao milisan. Dewleta İslami xo miyanê Cerablusi ra anto. Yew zi operasyon de Tırkiya dao pıro mewziyê Kurdan u YPG. Pırodayış ra tepeya militanê Kurdi mewziyanê xo ra abırriyay, rocvetışê Royê Fırati ra anciyay.

Operasyon de militananê YPG dao pıro tankê Tırkiya u yew eskerê Tırkiya merdo[2] u ê dı eskerê bini zi biyê dırbetın.

Peyniya operasyoni de ordiyê Cumhuriyetê Tırkiya pêro Cerablus, El Bab u Dabıx kerdê xo dest, militanê Dewleta İslami u YPG kerdê veran.

Referansi[bıvurne | çımeyi bıvurne]

  1. http://www.bbc.com/turkce/haberler-turkiye-37171880
  2. https://www.google.com.tr/amp/www.hurriyet.com.tr/amp/son-dakika-haberi-cerablusta-tanklara-roketli-saldiri-bir-sehit-40209846?client=ms-android-zte