Portekizki
|
||||
|---|---|---|---|---|
| Dıwelê ke tede qısey beno | Portekiz, Brezilya, Timurê Rocvetışi, Gineya Ekwatori, Gineya Bissaoy, Mozambik, Angola, São Tomé u Principe, Kabo Verde | |||
| Amarê qıseykerdoğan | 200-400 Milyon | |||
| Rêze | 6.-4. | |||
| Alfabe | Alfabeyê Latinki | |||
| Dıwelê ke tede zıwano resmiyo | Portekiz, Brezilya, Timurê Rocvetışi, Gineya Ekwatori, Gineya Bissaoy, Mozambik, Angola, São Tomé u Principe, Kabo Verde, Yewina Ewropa u Yewina Afrika | |||
| Dezgeyê cıgeyrayışê zıwani | Enstitüyo Enternasyonalê Zıwanê Portekizki | |||
| Keyeyê zıwani | ||||
| — | ||||
| Kodê zıwani | ||||
| ISO 639-1 | - | |||
| ISO 639-2 | pt | |||
| ISO 639-3 | por,Por | |||
| Bıvênên : zıwan, keyeyê zıwanan | ||||
Portekizki (be Portekizki: Português, Língua Portuguesa) yew zıwano, aidê keyeyê Zıwanê Hind u Ewropao u zıwanê Portekizıcano. Portekiz, Brezilya, Angola, Gine Bissau, Gine-Bissau, São Tomé u Príncipe u Mozambik de zuano resmiyo. Dınya de texminen 250-300 milyon merdumi Portekizki qısey kenê. Amerikay Veroci de zuano en gırdo, terefê 200 milyon merduman ra qal beno, 51ê nıfusi Amerikay Veroci ra teqabul keno. Amerikay Latini de zuano dıyın, 35ê nıfusi ra qal beno. Portekizki, İspanyolki u Galiçyaki ra zaf nezdiyo. Ama zuanê İspanyolki ra deha nermo u melodiko. Zuanê Portekizki pê zuanê İspanyolki %70 nezdiyo, ema vatene de ferq esto. İspanyolki de zınci ra vate çıniyo ema Portekizki de zınci ra qalkerdış zaf esto. Eke vate de aqsan esto, ã (coração: zerre), õ (corações: zerri) beno, eke aqsan niyo peyniya vate ra herfa m yena, (bem: weş). Portekizki pê İtalyanki u Fransızki zi nezdiyo. Seserra 15 u seserra 16 de dınya ser de Portekizki hardê xo hera kerdo, zıwano gırd biyo.
Brezilya u Portekiz grameran miyan de ferq esto emma merdumo/merduma ke pê fekê Brezilya ya zi Portekiz ra qal keno/kena, o/a şeno/şeno fekê binan areze (fam) kero/kera. Dı fekan miyan de ferq inca de esto: Portekiz de “ananas”, Brezilya de beno “abacaxi”. Portekiz de keyneke “rapariga” bena, lac “rapaz” beno; Brezilya de keyneke “moça” bena, u lac “moço” beno, ani vaciyeno.
Portekiz ki de zey zuanê ma Zazaki neril (maskulen) esto u mayki (feminen) zi esta. Kamci vateo ke nerilo, o peyniya xo ra O gêno, kamci vateya ke maykiya a A gêna.
Portekiz ki kanca de çıqas qal beno[bıvurne | çımeyi bıvurne]
| Ca | Nıfus (2013 tex.)[1] |
|---|---|
| Brezilya | 201,032,714 |
| Mozambik | 25,200,000 |
| Angola | 20,800,200 |
| Portekiz | 10,799,270 |
| Guinea-Bissau | 1,664,870 |
| Timurê Rocvetışi | 1,172,390 |
| Makau | 583,003 |
| Cape Verde | 531,046 |
| São Tomé u Príncipe | 193,413 |
| Pêro pia | 261,976,607 |
Têversanayışê Portekizki u Zazaki[bıvurne | çımeyi bıvurne]
- Um : Yew
- Dois : Dı
- Três : Hirê
- Quatro : Çehar
- Cinco : Ponc
- Seis : Şeş
- Sete : Hewt
- Oito : Heşt
- Nove : New
- Dez : Des
- Como está? = Tı senêna?
- Obrigado : Teşekur kenan
- Sim : Heya
- Não : Nê
- Hoje : Ewro
- Amanhã : Meşte
- Eu : Ez
- Tu : Tı
- Ela : A
- Ele : O
- Eu e Tu : Ez u Tı
- Bom dia : Sodırê xeyri
- Boa noite : Şanê xeyri
- Como é o teu nome? : Namê to çıçiyo?
- Meu nome é _____.: Namê mı ______o.
- ↑ "The World Factbook – Field Listing – Population - CIA". Central Intelligence Agency. https://www.cia.gov/library/publications/the-world-factbook/fields/2119.html. Retrieved 6 April 2013.