The Elder Scrolls VI

The Elder Scrolls VI (Zazaki het: Tomarê Khan û Khali Şeşın) kayêndê vidyoyê rolgeyrayışê aksiyono ke do bêreki (istiqbali) de veciyo û « Bethesda Game Studios » heta resnino û weşanino. O, rêza « The Elder Scrolls » de kayê şeşınê bıngeyo, ke kayê « The Elder Scrolls V: Skyrim »'ê serrê 2011ıni dıma şıno. Pawe esto ke kay, konsolanê Xbox'an û Windows'i rê « 2026ın de ya zi dıma » bıweşaniyo.

Vername Çarnayoğê Kayi (Direktorê Kayi) Todd Howard'i heta çarnino. The Elder Scrolls VI do bo kayê dıyıno ke motora miyanêna neweya studyo ser, « Creation Engine 2 »i yanê, resnino — « Starfield »'i (2023) dıma. Kay, serra 2018ın de hem E3'yê 2018ıni de resmki bi vengane, hem zi kewt gama berardışa verên. Bethesda'yi serra 2023ın de, weşanayışê Starfield'i dıma, dest kerd berardışê ciyê karkiyi.

Resnayış

Hezirana 2016ın de, Todd Howard'i kerd eşkera ke Bethesda Game Studios keno rêza The Elder Scrolls de kayêndê newi vırazo. Labırê, ey zi hışdari daye ke qedênayışê kayi do demêndê dep û dergi bıgêro.

Serranê 2018ın û 2020ınan de, gurewananê (idarekerdoğanê) Bethesda'yi Matt Firor'i û Pete Hines'i kerd eşkera ke The Elder Scrolls VI ta Starfield'i dıma nêweşaniyo, ke detayi do ta çend serran nêrê ra.

Adara 2021ın de, Microsoft'i ZeniMax Media — pogêriya (şirketa) wahera Bethesda — gırewt. Encami de, Bethesda Game Studios bi beşekêndê Xbox game Studios'i. CEO'yê Xbox'i Phil Spencer'i kerd vengane kayê Bethesda'yo ameyoğ do platformanê ke Xbox Game Pass'i het kenê rê azri (taybet) bê.

Berardış

Bethesda'yi Adara 2019ın de kerd vengane YouTubekerdoğe namê Shirley Curry'ya, ke zey « Skyrim Grandma » (« Pireka Skyrim'e ») şınasina, do The Elder Scrolls VI'yi de zey karakterênda nê-kayker bıaso. Na bırre, waznameyêndê sinayoğan dıma gêriya. Resnayoğan Teknolociya Tepêştışa Herekete (« Motion Capture Technology ») gurenaye ke mendayışê (şebeyayışê) aye bıkerê kayi ser. Kay zi menzerayanê raştekınan afernayen rê « Fotogrametri » gureneno.

Kay, Tebaxa 2023ın de kewt gama berardışa karki. Todd Howard'i kay zey « simulatorêndê gêhanê fantaziyiyê tewr berzêr » pênas kerd.

25ê Adarê 2024ıni de, 30ın serrgêra rêz de, Bethesda'yi kerd eşkera versiyonê kayê rewi rewna resnayoği heta kay benê. GQ'ya pêvênayışi de, Teşrina 2025ın de, Todd Howard'i va kay « biyo o çiyê rocaneyi ke studyo gurino sero ».

Weşanayış

Kay, E3'yê 2018ıni de pê vidyoyêndê kılma resmki bi vengane.

Hêrinayışê Zenimax Media'yi dıma, Phil Spencer'i mocna ke kay do bo Xbox û PC'yi rê weşanayışê azriyi; ey zi va o do weşanayışê Fable'yi dıma, ke serra 2026ın rê biyo plan, bıweşaniyo.

Vındetışê Komisyonê Kar û Barê Federali de, Hezirana 2023ın de, Spencer'i tehmin kerd kay hewna « panc ya zi cı ra vêşi serran » dûro. Velgeyê ke Microsoft'i ra rêcayê, tarixê weşanayışê rewêri rê serra 2026ın naya ver.