Vaten:Koyo Berz/Çarşemeyo Siya

Wikipediya ra ensiklopediya xosere
Xıl de be pusula Xıl de cıgeyrayışi

Şarê ma yê kışta Dersımi, Sêwas u ê çorşman roşanê Çar’emedê siyay keno. Çarşemeyê Heftedê en bahdoyênê aşmiya Awdari (Adar, Mart) dı roşanê çarşemedê siyay vırazenê. No zi zey Kormışkaniyo. O rojı xort u keyney, cıni u camêrd çınay xo yê newi u bı reng u rengıni danê xo ra, vıjênê deşt u deyan ser u a rojı bı şêney u kêfweşeya bımbarek kenê.

Bımbarek kerdena çarşemedê siyay zi hıma hıma wertera werışta. Şarê ma zi zaf çi ney ser nêzano. Ez bı xo zi zaf çi nêzana. Mı tay gırdandê Dersımi ra pers kerd, labırê inan zi zaf çi niyard xo viri. Nuştoxê ma yê kışta Dersımi ney ser kendenı bıkerê u tay çiyanê cı ma rê bınuşnê ma do pa zaf kêfweşbê.

Vanê roca çarşemedê siyay dı şarê ma yê kışta Dersım u ê dorman xeyr u xeyrat keno, pizey domanandê neçaran u sêküran keno mırd, inan rê çına herineno u serê inan keno newe.

Nuştoğ: Koyo Berz


[[Kategoriye:Edet u tore]] [[Kategoriye:Eydi/Roşani]]