Her çi ra raver, ma şıma ra reca kenime ke, nuşte û meqaleyanê xo be Zazakiyê pak û zelali bınusê.
Şıma rê zehmet, meqalanê xo be Zazakiyo Standard (Zazakiyê Hemıne) û Alfabeyê Wareyi bınusê. Labelê, êyê ke wazenê, şenê be Alfabeyê Bedırxani zi bınusê.
Eke şıma Zazakiyo Standard nêzanenê, şenê be Zazakiyê dewa xo bınusê. Labelê, Zazakiyê dewa xo gani 'raşt' bınusê.
Wikipediyaya Zazaki de vandalizm, heqaretkerdene tometa! Karberê ke çiyanê wınasiyan/hinan kenê, Wikipediya ra yenê teber kerdene.
Naye xo vira mekerên: Seba Wikipediya de nuştene, zaf teknik û marifeto hewl lazım niyo. Eke şıma pelanê Wikipediya de bıgeyrê û tayê qurdi kerê, şenê xeylê çi bımusê.
Heto bin ra, şıma key ke meqale nusenê ya zi vurnenê, kesi ra metersên! Tiya Wikiyo. Labelê, şıma nuştanê xo de gani ca bıdê çımanê objektifan.
Nuştanê xo de, haydarê nuqte û virgulan vınderên (diqet kerên) û nuxta ya zi virgule dıma çekuyan miyan de taê (hebê) mabeyn (are) cı dên.
Bınê her meqaleyi de, kategoriyanê nuşteyi bınusên. Anciya, eke nuşteyê şıma zıwananê binan de esto, wa gırê dê be zıwananê binan.
Ma wazenime ke şıma heta peyniye peşti bıdê Wikipediyaya Zazaki û tede bınusê. Çûnke, no proce semedê (qandê, seba) zıwanê ma Zazaki zaf hewl û muhimo.
Seba iştırakanê şıma, nıka ra pir û kal bên, weş û war bên! İştırakê şıma tım daim bê.
Kami ra pers bıkeri, kami ra peşti bıgêri?
Sistemê gırweynayışê Wikipediya sero eke şıma wazenê zanayışê xo hera kerê ya zi cewabê yew persi bımusê, şıma şenê nê pelanê bınênan de seyr kerê:
Gamê verêni
Kami ra pers bıkeri, kami ra peşti bıgêri?