Zazakipediya:Bom Osman beno şêr Osman

Bava Asmêni va ke: Şine eskeriye, Eskeriye de ma ağme kerdime, ez dane erzurum. Eskeriye de jü Laz Memed bi mıra zaf haskerdenê, na embaze mı, trabzon ra bi. Mı ve Memedi ra vişt u çar asmi pia eskerêni kerde. Werd u sımıtena ma zu gulera şiênê. Eskeriya ma ke qediye, waxte terisbiyaene amê. Ma kerdime teris, Ma ke qısle ra vejai me teber, Memedi mıra va ke: Asmên, toke şiya dewa xo, ma u piê xo di, dımera rozê mırê bi meymaneni. Memed şı trabzon, ez amune Dêsım. Mavên ra hire-çar asm vêrdi ra. Rozê mı va ke: " Na laz Memdi mırê honde mı- nete kerde, ala ez şerine cı rê meymaneni. Amıne Mamekiye, niştune ro otoberzê trabzoni, kotime ra raê. Otoberz, caê ara dê, mı na arade Memedi rê tel da va ke: " Ez yenune, mı cünê otoberzu ra bıce. Trabzon de otoberz ra amıne war, nat-dotê xo de niada ke Memed ki amo mı keno sayê. Embazê mı Memedi, ez cünê otoberzu ra guretunê eve tağşi berdunê çê xo, kerdune meyman. Ez çê Memedi de phonç roji binê meyman. Xızmeta ke Memdi mırê kerde, pasau rê nêkenê. Ma pia werd, simit, fe- teliyaime. Rozê, Memdi ez berdune ( hasa huzurê sımara) kêrxane. Mı mianê xo ki kerd rehet. Endi meymanêna mı qediye, ceronu ra. Memedi, ancia ez eve tağşi ardune cünê otoberzi, bileta mı mirê gurete. Ez ke Memedi ra bırıne ra, mı Memedi ra va ke: Heq u teala kena to ki rozê mırê bi meymaneni. Ez cerune ra, amıne Dêsım. Hirê- çar asmı kot maven cı nıkoti, Memed vejiya ame, mırê bi meyman. Zerê çêi de, dünike de, heq ke çı do, ma xorê pia werd. Memed, heştê çê mı de mend. Mı Memed ra va ke: Bıra, to ez berdunê kerxane, mı xo kerd rehet. Qusurê mı de nia mede. Tıka, suka ma de kêrxane çino ke ez to beri, xorê rehet kerê. Ala urze şime, xorê nia tene na dormura bıfetelime ( ben bır ke hera şaê. cırê qısmetkerine). Ma şime nejdiyê gema gavani, dota hesê bır ma de vejiya. Laz Memed lüyo, rema vejiya ro dare ser. Mı ve heşi ra zumini guret. Jüê mıra, jüê hêş ra. Axırê ma zumini xeylê fetelna. Mı hesnai vi ke, isoni ke xo naro merdene, hes pêskarê isoni nêbeno. Mı xo est hard, xo naro merdene. Heşi, gose xo ard verê fêkê mı, mı qontrol keno. Ala ez solıx cenu - nêcenu. Mı, solıxê xo cıgerunê xo de kerd çip. Heşi kenat ard ra xo ke " no endi merdo. Ez caverdune, cera ra geme, şi bırr. Laz Memed, dare ra ame war, ame leê mı va ke: Asmên, to çıxa ke qerwetın bê ki, o hesê bırrıyo. Towa nêbo to gına bın ro. Hama ez zaf meraq ken, hesê bırr bı çot, gosê to de çiê va ke; Mı rê bi meraq, ey tora seva ke? Mı va ke: Heş, gosê mıde va ke " To ke reyna na laz Memedi de embaz/olvez bê, ez nanu de maa to.

GOZU BORÊ; KİRÊ SIMA BENO PİZ Mordemê beno, jü cinia xo, dıdı kı lacê xoê qıji benê. Mordemek, hega de, bırr de, koli de, gureêno. cinike ki, zerê çêi de gureêna. Non pozena, werd pozena. Domanu kena pil. Cinike, endi bêzar manena. Rozê sande, xo nana ro nêweşeni, kuna cıle orğa oncena ra sarê xo ser Mordemek sande yeno çê. Cinika xo biya nêwes. Domani vêsan u têsaniye. Mordemek, besenêkeno werd pozo. sebıkero, sê nêkero. Sono sandıqa cêj ra gozunê khankılu ve- zeno, ano zerê oda de sıknenê. Cinika bınê orxani de gosdana. Mordemek gozu sıkneno dano do- manu, vano: bore - bore kırê sıma piz bo, qewtin bo. Cinike bınê orxani ra sarê xo vezena, vana: Heya, va domani borê kirê xo piz bo. Kutık, ma to ve xo ça nêwena?