Zazakipediya:Edebiyatê Kaykerdene

Wikipediya, ensiklopediya xosere ra

Domani ke wertê ho de kay kenê, jê kılamu qesu têdıma vanê ke, ero gos wes yenê. Peyniya na qesu eve qafiye qedina. Na qesê kaykerdene ki edeviyatê xelki ra say benê. Edeviyatê kaykerdene ra hirê torey estê:

Mordene[bıvurne | çımeyi bıvurne]

Domani, wertê ho de bırinê ra, benê dı sırey. Sıra jüye ra jü, bêçıka ho fino fekê ho, mılneno, waxto ke vete, nano hevalê dotêni ra, qesê vano, qesê dıyine ke va, nano ho ra, oncia dotêni ra. Peyniye de ke kami de mend.

I.

Akule dakule
çar u çemver
mısk u hemver
as tos
tıngıla fıs

Ekıle, mekıle
Bıskıze, xemele
çar u çember
mısk u hember
(t)as tos
tıngıla fıs

II.

Ekıle, mekıle
Bıskıze, xemele
yara bınge
paq u lınge
sam sune
hat bure
ket bıra
çıkolo bıra

Ğeletnais[bıvurne | çımeyi bıvurne]

Qesey, jê kılamu leto jêde eve qafiye vajinê. Qesey ve hostaêni heni têdıma vajinê ke, jüy ke vati, gereke pêt vazo, hem ki ho meğeletno, sas mekero. Hurdi çekuyê peyêni gereke boyna têdıma vajiyê, ya hata ke qefeliya, ya ki hata ke ho sas kerd.

I.

Na pençere de tusko
Ha pençere de mısko
Son çê tuski, tuski won
Son çê mıski, tuski won

II.

Na pençere de thıriye
Ha pençere de riye
Son çê thıriye, thıriye won
Son çê riye, thıriye won

III.

Na pençere de eskıze
Ha pençere de aspıze
Son çê eskıze, eskıze won
Son çê aspıze, eskıze won

IV.

Son çê goze, goze won
Son çê xoze, goze won

V.

Muriye gır biye, muriye won
Ci gır bi, muriye won

VI.

Kamo qal keno, qalê lazê Qerê kherri keno?
Heq vo pir vo! Kes qalê lazê Qerê kherri nêkeno.

Pers u Cüav[bıvurne | çımeyi bıvurne]

Waxto ke domani kay kenê, jü pers keno, jüyo bini ki cüav dano, kami ke zana.

- Sona koti ?
- Son suke.
- Seveta çınay?
- Seveta kıncunê veyvıke.
- Çı ana ?
- Niştanê qılıke
- Zovina çı ana?
- Pozmıkê pırnıke,
- kam ke nêzano
- kırê diki de pipıke

Nuştoğ: Zılfi Selcan