Zazakipediya:Meseley

Wikipediya, ensiklopediya xosere ra

Meseley (Hêkati) edebiyat qeseykerdene de, meseley eve zonê Zazaki deyraê. Waxto ke sovet bi ra, qal ame ra, o waxt qeseykerdoğ meselê vano, ano ra vatena ho ser. Eve o tore qesa ho raşt vezeno, vatena ho ispat keno. Edebiyat Zazay de tore-tore meseley estê:

  • a) Meselê aqıldariye
  • b) Meselê huyaisfiştene
  • c) Meselê bini

Meselê ke tede aqıldari u huyaisfiştene esta, ine de bomeni u budelaeni ve baqıleni ra, raşt- qeseykerdene eve hostaenia qesu, wes yena ra zon. Taine de ki çhêreni u hostaeni qesu ve zulm u zalımeni têverver derê. Meselê ke raşti amê meydan, cı ra dı torey estê. Toreo vıren de qal ke ame ra, wertê qeseykerdene de vajinê. Naine de aqıldariye ve gıraniye yena ra zon, cıra derse cêrina. Toreê dıine de, mesela, gırêdaê mevzuyê qeseykerdene nia, ho ve ho cia vajina. Lazım niyo ke qal bêro ra a mesela ser. Her waxt, wertê jü sohveti de vo ya ki nêvo, vajina.

Mesela huyaisfiştene de leto jêde hadiseê sosyali vajinê. Na meselu de dı heti estê: Heto rınd, rındek, raşt, heq ve hetê xıravın u qefçıl u neq u zalım u jürekeri ra.Xelk pê hetê vıreni cêno, heq u neqi eve qeseykerdena na mesela ano têverver, hetê neqi, hetê zalımi eve usılê estetiki, kenê qız pê huynê, hem ki pê xezelinê. Tırki de nayine ra “fıkra, nükte, latife” vajino. Taê meselê huyaisfiştene estê ke, tede goynaeni u jürkerdene vajina. Zonê Zazaki de edeviyatê nianeni ra yaraniye, laxkerdene ya ki kuratey vajinê.

Nuştoğ: Zılfi Selcan